氷川菓屋 (已結業)

香甜日本地道草莓刨冰2018/03/23約了朋友19:00多才晚餐，18:00便在佐敦下班，時間仲好充足😆，於是在尖沙嘴嘅街道與同事閒逛，路過此店，見裝修別緻😃，充滿日式小店氣氛，牆上掛了餐牌，另一面牆掛了以日式動畫風畫出嘅不同口味刨冰😮，共6款。因刨冰作為小食可以消暑😙，又不會太飽肚😌，所以便與同事一同進內，當時店內有"福岡博多草莓刨冰"是期間限定（$68），店主定時入季節中最新鮮嘅生果，於是我們等了7mins一個充滿少女風👩的刨冰山就活現眼前。冰入口不及雪花冰綿，但別有一番風味🙆，而且每口刨冰都佈滿糖漿，鮮甜可口👍，不會覺得有一點藥水味😚，而味道方面近似很受歡迎的草莓奶味珍寶珠👍。不過夏天刨冰溶的速度好快😞，當我地相機食先時，刨冰已有倒塌嘅危機😲😂如果再有機會經過此店應該會試埋其他口味。

呢兩個禮拜既天氣真係熱到想死，第一樣野諗起既除左雪糕之外就係刨冰，一向都支持小店既我聽朋友介紹黎左呢間得8個位既刨冰小店，睇Menu都係得幾款味道選擇，3個人點左2款味既刨冰，藍莓乳酪味同黑蜜黃豆粉味..可以睇到製作過程，我見佢分開刨左幾層冰淋上藍莓醬，絕對唔馬虎。等左15分鐘終於有得食，佢寫明係用日本入口嘅純水制冰，d冰都幾綿，同埋我最怕就係d味好假既甜品，呢個藍莓乳酪味第一啖食落去完全俾到驚喜我又唔太甜，中間有d乳酪一齊食好滿足，我覺得我一個人可以ko成個刨冰..始終都係小店，人手唔夠得老闆(應該係)一個人整，刨冰都係逐個逐個上，食完個藍莓味終於上第二個..呢款刨冰上面有d紅豆蓉，倒埋d黑糖同丸子落去一齊食個口感好有層次好清新..但係試完個藍莓味再試呢個黑蜜黃豆粉味，個味會有d俾蓋左，下次一定會再黎試埋其他味道。

山林道呢間日式刨冰好耐之前食過，記得上次食完一個即刻嗌多個😛之後有次想黎又已經收左鋪，今次係附近食完飯醒起，就黎左食喇！鋪頭唔係好大，最多坐到５－６個人！但小小既鋪頭都營造了復古既日本風格🎏🎎藍莓乳酪刨冰💁🏻‍♀️$58刨冰份量多，好高，雪白的刨冰由北海道純水製成。打得非常細滑！刨冰淋上大量藍莓乳酪，唔會藥水味，唔會太甜，係真藍莓乳酪，酸酸甜甜！刨冰中間有藍莓味布甸，質感軟滑，口感豐富。亦唔會好似好多出面既刨冰，食到底會覺得無味。我同男朋友秒速食哂🤪另外推介熱情果刨冰！今次太飽喇食唔落，熱情果唔係大路既大熱水果，但上次食過都係好驚喜好味架🤩

晚上同朋友係佐敦食完晚飯飽飽地，突然諗起有間刨冰店係山林道想食好耐，但一直撞唔岩時間去食，就步行去山林道試食順便散步幫助消化，雖然店舖細小，只有八張櫈，好彩九點鐘左右冇咩人，點左個草莓口味，一食難忙，刨冰入口即化，唔會咬到冰碎，味道由頭食到尾都好濃郁，雖然啲冰溶得比較快，但我鐘意🙂，兩個人食一個實在到喉唔到肺，下次食飯一定要留肚去食刨冰，呢間刨冰店已經成為左我出尖沙咀必食之選，推薦比身邊朋友都個個讚好，期待7月推出既夏日限定，因為太吸引，食左幾啖先醒起要影相

夏天那麼熱, 是要來點冰凍的甜品解解渴的, 順便降降溫。這間店原來很晚先會開門, 我們三點幾來到的時候還是關門, 所以要等到四點才能進去。甜品店室內環境不算大, 所以要趁早來才會找到位置坐。我們點了一個期間限定的特濃芒果刨冰。飲品方面, 我們點了一杯鮮果紅茶和一杯凍抹茶鮮奶。我是一個超級抹茶控, 所以抹茶鮮奶是我的。特濃芒果刨冰非常值得推介。它的甜度適中, 不會過甜。刨冰質感軟綿綿, 而且芒果味很鮮甜, 不是芒果藥水味那種。這個刨冰有驚喜, 裏面是有其他東西以增添味道的。芒果刨冰的頂部有芒果粒, 中層有芒果布甸和一些脆米, 底層亦有芒果醬和芒果粒。芒果刨冰裏亦混入了煉奶以增添甜度 。食完這個刨冰, 非常舒服, 很解渴和清新。抹茶鮮奶的抹茶味濃郁突出, 夠rich, 味道甜甜的, 質感很creamy, 是我喜歡的抹茶味。飲品亦都很解渴, 很適合在這個天氣底下喝。

最近天氣實在太熱(三十幾度)食刨冰就最適合 今日同朋友尖沙咀行行下街走進一間主打正宗傳統的日式刨冰店(朋友由開店開始已經一直想來吃 終於找到天氣適合的時候)點了今期限定的特濃芒果刨冰 $68 店員介紹芒果是選用當做的菲律賓芒果 淋上自家秘製的芒果漿 味道清新開胃 刨冰用北海道純水冰磚 冰感綿綿入口即溶 有驚喜是中間有一個自家製芒果布丁 刨冰底下有芒果肉+穀物脆 整個口感很好 食完刨冰加點了半份練乳窩夫 $22 窩夫脆身靠練乳帶甜味 不得不讚旁邊的忌廉口感輕盈微甜很好吃店舖小小位置不多 但老闆(應該是)服務熱情 主動介紹及跟我們溝通 感覺非常好

每月都有新囗味推出，今次的口味是「特濃芒果」。—————-香港幾乎沒有地方可以品嚐到正宗的日本刨冰。在這裡尖沙咀山林道的·氷川菓屋·就可找到。店標示刨冰是用「北海道直送冰」來做。——————刨冰外形非常討好，誇張漂亮，一看到刨冰已急不及待 用電話拍照。——————刨冰醬用新鮮生果打成。不是糖水味，大家不用擔心。而且刨冰裡有個布丁心，與其說是刨冰，不如說是一個用心製作的甜品。吃到底還有很多新鮮芒果肉。——————店地方不大，完全用味道取勝。——————總結，這裏是個消暑，品嚐正宗日本好味刨氷，打卡放上社交網絡的好地方。

以前我對日本刨冰的印象，都一直徘徊於「冰」跟「糖漿」兩樣食材上面，但是我自從在九龍塘「又一城」的食店「EXX」第一次接觸過類似刨冰的甜品「雪山」之後，我對日本刨冰有了全新的印象。其他日本風味的刨冰，一樣可以吃到有來自牛奶的甜味，刨冰冰粒的質感，一樣可以被磨得十分幼細細緻。所以就算經常因為幫襯試食韓國風雪奶冰，而遇上了阻滯與不便，我起碼還可以暫時投向「日本刨冰」的懷抱。後來我在尖沙咀近着佐敦的「山林道」位置，發現又出現了一檔以日本刨冰為主題美食的小食店，店名就叫做「氷川菓屋」。雖然「氷川菓屋」這個含日文漢字名稱，會比較難打跟難輸入，但是「氷川菓屋」實際店舖形象，卻比我想像中來得親民。「氷川菓屋」實際在「山林道」的舖位面積不大，所以座位都刻意改造成為面壁位，務求騰出更多空間，讓食客就算只是想外賣自取，「氷川菓屋」仍能做到更多生意。扣除座位和等候空間之後，「氷川菓屋」剩下的位置主要都是，製作刨冰跟其他食品飲品的開放式廚房。雖然「氷川菓屋」廚房只是一般功能廚房，但是「氷川菓屋」仍然有在裝修上加點心意，加點富日本色彩的擺設上去。所以，即使食客們選擇在「氷川菓屋」裡面即場享用刨冰甜品，應該也不成問

天氣開始轉熱，又時吃冰的季節，這天經過山林道，發現了一間專吃日式刨冰的小店舖，不禁被吸引走進去試試。藍莓乳酪刨冰 $58這款刨冰用料十足，賣相也非常吸睛，以3.6牛奶及北海道純水製造，刨冰特別幼滑，中間還夾雜着藍莓布甸，吃起來不但層次豐富，而且不會像一般的刨冰令人感到越吃越寡。炎炎夏日吃一口冰涼沁心。抹茶牛奶 $32 抹茶味道濃郁品質高，口感幼滑兼有香濃奶香，呷一口軟綿綿的奶泡及和暖的牛奶，剛好中和了吃過刨冰後的冰凍感，抹茶愛好者真的不能不試，一定有驚喜。

在香港享負盛名的日式刨冰元祖SHARI SHARI一直以來好評如潮，不少人包括我在內亦是其忠實粉絲；另一後起之秀就是尖沙咀的冰川菓屋，剛開張時以足料白桃沙冰打響名堂，名氣雖不及SHARI SHARI，但未曾親嚐又豈能一決高下？餐廳位置其實正正就在已經結業的雪糕店The Little Corner，從佐敦地鐵站走來亦不消數分鐘；店面一目瞭然，面積不大，但甚有復古日式風味。食物選擇除了日式刨冰外，亦有供應即烘窩夫及飲品，可惜其中一款極想一嚐的黃豆粉蕨餅當天沒有供應藍莓乳酪刨冰 ($58)刨冰以北海道天然水製成，刨得算挺幼細，入口即化，口感較SHARI SHARI略鬆。冰面舖上厚厚一層藍莓乳酪醬，以新鮮藍莓煮成，味道天然濃稠毫無藥水味，配合乳酪兩種酸酸甜甜的食材令整個刨冰相當清新開胃。藍莓乳酪醬份量充足，足以伴以整個刨冰食用，不過個人覺得可以分散醬料於中間加入，更加方便食用之餘味道亦會更加平均。刨冰中間蘊藏一個藍莓奶凍，口感綿密細膩，增添口感。無可否認，SHARI SHARI作為香港日式刨冰店始祖，由日本老闆主理份外正宗，加上質素出眾而口味多元化固然是令人神往；但另一邊廂個人覺得這間港產小店

呢間鋪頭之前睇網上媒體已經有介紹過，但係通常食甜品都唔會去佐敦，一係去登打士街嗰邊，一係就去深水埗有次喺尖沙咀食完野，諗住行去呢度食甜品。當時八點幾，但係已經好多人排隊，而且啲刨冰都賣晒，於是就叫咗水蜜桃茶沙冰🍑杯嘢飲都有成個手掌咁高，上面掛住半個山梨縣嘅白桃，旁邊有少少忌廉。每一啖嘅沙冰都真係勁有桃味，似係用好多個桃濃縮出嚟嘅果汁。食食吓啲沙冰入面都仲有幾件桃肉係到，非常足料！溶咗嘅沙冰又可以當桃汁咁飲😋後尾過咗一段熱潮，五點幾去到都仲有刨冰食，而且冇人排隊。叫咗博多雙重草莓刨冰食，成舊野仲高過一個人嘅頭。上面淋上去嘅士多啤梨汁勁好食，唔係啲好假嘅藥水味之餘，仲要好似加左少少煉奶咁，酸得來又甜甜地，勁開胃勁啱女仔食❤️ 下面啲冰望落冇士多啤梨汁，但都唔使擔心，因為啲冰就係包住左入面，有士多啤梨肉同埋士多啤梨醬，不過呢個就冇影到相～雖然價錢望落好貴，比起一般街邊食嘅甜品再貴啲，但呢個食物質素完全係值得呢個價錢！😚

小孩都知食冰可以透心涼，所以會買吱吱冰、思樂冰等等冰製品來解暑，可惜涼意瞬間消失。今晚食過「氷川菓屋」的刨冰，食後身心竟持續覺得涼快。剛到門口還以為自己摸門釘之際，老闆回來了。整間店充滿日本氣色，左右兩排高枱高櫈，可以在牆上刻板看到是日餐牌。店面雖小但半開放式廚房卻寬闊光猛，整個處理過程透明度高，讓食客食得安心。 這家的刨冰溶解速度比市面的都要快，但溫度不是重點，反而關鍵在密度上。以北海道純水製成刨冰，經過日產刨冰機刨出，令其質感非常幼細，入口即溶，食出最「純」味道。揀了博多雙重草莓口味，除放頂的草莓、滿滿的粉紅色草莓醬，中間亦有草莓3.6牛乳奶凍及脆粒，唔會有愈食愈寡的情況出現。整體味道清甜，又無甜到腬，恰到好處。除左刨冰，氷川菓屋亦有推出窩夫比愛食熱甜品嘅朋友及作冬日推介，分別有黑糖、練乳、蜂蜜三款口味，麵粉漿亦由3.6牛乳打成，窩夫一分為四切成三角形，又薄又脆，味道香而不濃。由於店家引入日本時令水果，所以刨冰不時會轉主題。聽老闆說下期會推出菠蘿刨冰，OMG!!賣飛佛啊！下回再見

天氣開始轉熱了，今日放假同朋友黎到尖沙咀行下街，行到下午熱熱地，見到山林道有間好日式的日式刨冰甜品店，裝修都勁有日本風味，有趣。餐廳入面細糸細的，得兩邊各有兩三個位左右，入面就係開放的廚房，客人在出面可以望住點樣整冰。刨冰有六款可以揀，芒果，藍莓味都有，最出名是佢用日本直送的北海道純水冰整出黎的，味道一流，當然窩夫甜品，飲品都有得揀。今日食特濃芒果刨冰，賣相真的超吸引，超靚，芒果醬已經鋪咗過一半高的刨冰，加上有香甜的芒果肉，味道好夾。芒果醬仲落咗一層煉奶醬，同芒果味香味四溢，更加突出。刨冰刨得夠碎，夠幼滑，入口即溶，冰凍可口，食唔停口。食刨冰加$10仲可以有個窩夫，即叫即制，熱熱的，香脆甜美。

週五晚上喺尖沙咀食完飯，同朋友想搵地方坐下食甜品繼續傾多陣計，見周圍都係多港式糖水舖，點知行行下見到依間舖頭門口已經好和風好特別，再望真啲原來係食日式刨冰，啱曬啦！我地order咗個草莓練乳刨冰，真心覺得好夢幻呀！刨冰上面放咗粒士多啤梨喺忌廉上面，再加上佢地自家秘製既果醬同練乳，影咗幾張相就忍唔住要食喇。店入面貼咗好多訪問既剪報，原來話佢地做刨冰既冰磚係真係喺北海道直送既純水冰磚，真係估唔到係要咁花心機喺日本買返嚟，加分！最後走之前我同朋友仲一人買多一杯，鮮果紅茶添！依度既刨冰喺香港好少見，下次想食一定會再返嚟

位於尖沙咀的氷川菓屋，是一間主打日式刨冰的小店。今天和男朋友去尖沙咀逛街，天氣炎熱，就來吃個冰吧。特製芒果刨冰$68刨冰的囗味頗多，價格由$38起，較銅鑼灣某間刨冰店便宜得多了。刨冰被稠密的芒果醬包著，傳來芒果香甜氣味，很吸引阿。用日本北海道純水冰刨出來，冰質粗長，看上粗糙，入囗溶化，配芒果粒，芒果醬，脆米同食，質感即時高上一層樓，惟刨冰根基打得不太好，壓實一點就更好了。氷川菓屋 尖沙咀山林道10-12號山林閣地下2C號舖