極品王 (已結業)

喺啱啱嘅星期日去咗呢度食火鍋，先叫咗個剌身拼盤同象拔剌身，都唔錯！尤其係後者，的確非常新鮮同好味!之後就入正題食火鍋。我發覺每一種配料，無論係鷄子、羊件、豬腰等等的新鮮程度同SIZE都係出奇咁一致! 大家如果去的話，一定要試一下佢哋嘅牛肉，係小弟食咁耐火鍋以嚟最滑同「林」嘅，結果，我哋一家人食咗三大碟(其中一碟係美國牛肉，無咁滑係牛肉味重)。另外，值得一提嘅係火鍋湯底，我哋要咗個豬骨湯底，結果無失望，湯底嘅味道唔錯，而且當中嘅豬骨最後一件都無留留底，因為太好味同「林」喇!至於環境方面，座位一啲都唔迫，(雖然鋪面唔係好大)，而服務亦好，唔會無人理你。最後，價錢方面，除咗象拔同牛肉比較貴之外(但比較返質素都OK嘅)，其他配料嘅價錢同出邊一般嘅火鍋店差唔多，而且仲好食啲添! 所以我會再去嘅。