The Hideout

營業中

休息中

所謂的隱世其實個個都知，因為好多KOL已去打卡，專登請假嚟，但人好多，跟Google 指示行入村行咗20mins 先到，熱到一個點，三十幾度，快中暑🔥，其實另一邊經過新公屋5分鐘就到。預早book 位，online system 幾專業，餐廳自助型式，全場無冷氣，自己搵位，有蓋用餐具無乜人坐, 因為無得打卡📸，檯下有蚊香，幾貼心，郊區嚟講衞生做得非常好，完全無蚊同蝨，幾整潔。食物定價偏高，一個all day breakfast 要150， 無set , 飲品另外order , 打卡位當然係湖邊, 共有四個，當然都full , 見有人走咗咁我地行上前，原來已太遲，因為打卡區同用餐區中間其實有個waiting area , 有傘，有矮檯，可以食住野等。講返啲野食，用料其實高質，西蘭花🥦苗，柑都好食，不過150都係唔太值等咗over 一個鐘終於可以到打卡區，不過waiting area 嘅人望住其實打卡太耐都有少少壓力😅。Book 位時已講明有限時，由於order 時已俾咗錢所以唔會再走嚟叫埋單，亦無人收碟，提你夠鐘嘅方式係打俾你📱😏，所以其實整個過程熱之外仲有啲急促，唔chill 嘅。