海鮮島墨魚刺身專門店

營業中

休息中

海鮮島墨魚刺身專門店今日過大海，嚟到布袋澳呢邊食海鮮。布袋澳不嬲都出名食海鮮，今日同老公過嚟試下，發現呢邊嘅海鮮平過西貢，都幾抵食，想推薦俾大家。餐廳有啲套餐可以選擇，我同老公揀咗個龍蝦鮑魚二人套餐，個套餐$598有好多海鮮，種類豐富，好抵食。※開邊龍蝦龍蝦好新鮮，好大隻，有好多肉，龍蝦肉質彈牙，味道鮮甜。咁我哋仲嗌咗伊麵底，伊麵高湯味道濃郁，香噴噴。伊麵質地彈牙，唔會浸到好腍。※古法蒸活鮑魚鮑魚有兩隻，每隻都好大，面頭有啲香蔥，令鮑魚味道更加香。鮑魚口感滑嫩，結實而有彈性，非常新鮮。※招牌魚翁蜆湯依碗湯好推介呀，湯底已經煲到奶白色，一睇就知味道好濃郁。魚味好香，另外仲食到蜆嘅鮮甜味。湯裏便仲有啲粉絲同蔬菜，非常好味。※郊外油菜今日提供嘅係白菜，啲菜都好新鮮，免頭有啲蠔油，為味道點綴一下。2小炒王$148我同老公仲嗌咗個小炒王。小炒王大大碟，好惹味，材料有豆腐乾、蝦乾、魷魚乾、韭菜花、韭黃、腰果等等，非常豐富，所以口感食物都好特別。小炒王炒得好有鑊氣，撈飯一流！3招牌瑤柱帝皇雞半隻138帝王雞香噴噴，充滿油香。雞肉嫩滑，雞皮彈牙。