影片
更多
2024-12-18
1510 瀏覽
#老二花廳 係山東街的時候已經幫襯過幾次記得以前要行條好窄的樓梯上去 （都相當有香港情懷）依個搬咗落嚟大街 兩層嘅空間更寬敞門面店內嘅裝修壁畫by @hin_art 尤其令人欣賞多幅玩味重同時與當代香港人童年回憶緊緊相扣的畫作仲有好多一貫作風嘅懷舊擺設 每個角落都係打卡位食物方面價錢都超級親民 小食三四十蚊 主食都只係五六十兩個人嗌咗兩個小食兩個主食兩杯飲品人均都只係$150🥹主食主要係銀針粉同腸粉嘅不同配搭 聽落奇怪嘅組合原來好夾好好食 🤤另外仲有陳村粉同素魚翅撈飯 蔥油飯麵等港式經典都有推介：1️⃣豬油渣卡邦尼銀針粉日本有味素 香港派出嘅代表就有豬油渣豬油渣簡直係港式經典不敗配菜 遇上卡邦尼醬 同銀針粉估唔到咁滋味 超彈牙銀針粉 掛滿濃稠卡邦尼 同脆口豬油渣2️⃣乾炒牛腸粉上枱已經超有鑊氣 食落冇平時乾炒牛河咁油膩牛肉份量多而且勁入味 呢個炒得好出色 好有港式風味🐮3️⃣明太子雞翼單骨雞翼啱晒懶人 明太子味偏濃郁 重口味人士可試！4️⃣小饅漢堡一客三小件嘅迷你炸饅頭 入邊係煎肉餅 魚餅同豬頸肉估佢唔到嘅配搭 三款各有特色 味道都係偏濃郁建議上枱之後盡快食 如果唔係放涼後饅頭可能會出油5️⃣豆腐花薑汁梳
記得以前要行條好窄的樓梯上去 （都相當有香港情懷）
依個搬咗落嚟大街 兩層嘅空間更寬敞
門面店內嘅裝修壁畫by @hin_art 尤其令人欣賞
多幅玩味重同時與當代香港人童年回憶緊緊相扣的畫作
仲有好多一貫作風嘅懷舊擺設 每個角落都係打卡位
食物方面價錢都超級親民 小食三四十蚊 主食都只係五六十
兩個人嗌咗兩個小食兩個主食兩杯飲品人均都只係$150🥹
主食主要係銀針粉同腸粉嘅不同配搭
聽落奇怪嘅組合原來好夾好好食 🤤
另外仲有陳村粉同素魚翅撈飯 蔥油飯麵等港式經典都有
推介：
1️⃣豬油渣卡邦尼銀針粉
日本有味素 香港派出嘅代表就有豬油渣
豬油渣簡直係港式經典不敗配菜 遇上卡邦尼醬 同銀針粉
估唔到咁滋味 超彈牙銀針粉 掛滿濃稠卡邦尼 同脆口豬油渣
2️⃣乾炒牛腸粉
上枱已經超有鑊氣 食落冇平時乾炒牛河咁油膩
牛肉份量多而且勁入味 呢個炒得好出色 好有港式風味🐮
3️⃣明太子雞翼
單骨雞翼啱晒懶人 明太子味偏濃郁 重口味人士可試！
4️⃣小饅漢堡
一客三小件嘅迷你炸饅頭 入邊係煎肉餅 魚餅同豬頸肉
估佢唔到嘅配搭 三款各有特色 味道都係偏濃郁
建議上枱之後盡快食 如果唔係放涼後饅頭可能會出油
5️⃣豆腐花薑汁梳打
本身驚組合好奇怪 薑汁味唔會超辣 配上豆腐花又幾特別
6️⃣抹茶豆腐拿鐵
又係豆腐嘅配搭 濃郁嘅抹茶拿鐵無糖更突出茶香
底下有豆腐花 口感上幾特別
整體係相當推介過嚟食嘢之餘影吓相 食物相當有質素
嚟緊日本朋友嚟香港都會帶佢哋嚟感受吓香港復古文化🆒
📍老二花廳 @loyifaateng
旺角白布街22號4號舖
🌎#iam旺角foodaholic
張貼
