壺說 (已結業)

而家市面上充斥着好多台灣手搖飲品連鎖店嘅過江龍。身為手搖飲品粉絲嘅我就梗係試晒咁多間唔同嘅飲品店啦😎但其實飲得多都已經覺得有啲悶，加上大部分店員都好機械式咁沖野飲，甚少可以飲到台灣嗰隻人情味。某日我行經深水埗，竟然發現一間茶店小店。鋪面簡單，有幾個座位，完全唔花巧，俾人有種舒服嘅感覺小小嘅店舖，選擇已經算多除咗飲品之外，仲有小食賣仲有學生優惠添🤩當我行近鋪頭睇餐牌嘅時候，台灣老闆就已經好熱情咁問我想要咩，亦好細心提我使唔使少甜小冰嗰啲👍🏻佢仲話等嘅時候可以坐下，好好人！我要左芋頭鮮奶同黑糖珍珠鮮奶茶。我見佢芋頭鮮奶用嘅芋頭係用咗台灣運黎嘅芋泥，完全係成本之作！混埋牛奶一齊飲味道好夾，佢嘅微甜真係越飲越幸福🥰飲嘅時候仲有芋頭顆粒增加口感，誠意推介🤩👍🏻黑糖珍珠奶茶係每間手搖飲品嘅別是項目。今次佢嘅奶茶仲要用鮮奶調製而成，奶味濃郁，而且又健康啲。珍珠軟糯而Q彈，有口感之餘亦唔會過硬。重點一提係佢嘅茶味幾重，好甘香，啱晒我哋呢啲茶怪☺️☺️