民園麵家 (已結業)

果日睇報紙話呢間麵家會係3月摺埋唔做，突意前來嚐味一番，其實之前都幫襯過幾次，距離我公司都唔遠，但多數都係過門不入，要明白人總是犯同一錯誤，知道就無先開始珍惜，雖然唔係咩高級野，但街坊野係講人情味嘛。 去果時舖頭唔算人多，其實舖頭都唔算大，門面十幾個位，基本得兩個姐姐煮同執野，牆上簡單既餐牌一眼睇晒，簡單唔花巧，明碼實價咁我叫左碟豉油豬手撈麵，兩名姐姐亦隨聞起動 客人唔多，食物都好快到！一碗清湯一碟豬手撈麵，熱辣辣送上 清湯味道真係好清，無話好鹹！只是一般......至於麵質就淋左些小同較濕，豉油味唔算香同食時味道未見太突出，可能比例上老抽份量較多，加小小辣油會好食啲，到隻豬手，主角先係佢，豬手算中大舊，但燘得好林，入味，食落啖啖膠質好正，將近入口即化的感覺！perfect!雖然整體黎講係一般，但一路食姐姐都有同其他客傾計，呢樣就叫客情吧！歲月如流，又買少見少了！