影片
更多
2022-06-24
1379 瀏覽
好食既清湯腩真係唔多選擇，尤其wfh嗰排都係自己整算，但準備過程實在唔易😂今日去左朋友介紹既呢間清湯腩專門店，雖然舖仔細細，但係竟然全full！😯 好彩等左5分鐘就入得，望下餐牌，價錢同一般清湯腩店差唔多，但佢竟然話係用新鮮牛肉，依個價錢如果真係新鮮牛就真係好抵！😲我同老婆兩個人叫左一碗爽腩米加牛丸，一碗崩沙腩粗，一碗牛骨湯浸菜。唔洗好耐，兩碗粉好快就送到，一上枱就聞到好香牛湯味，要讚既係佢個碗好夠熱，本身湯底又夠熱，所以湯無咁易放涼。一試啖湯，掂啦！👍🏻濃而不濁，好清甜，牛骨味香濃，完全無味精既死咸感覺，配埋蔥真係一流！唔怪得隔離枱要特登叫一碗湯去飲！😲👍🏻到主角，牛腩，雖然我唔係食家，但真係食得出兩款牛腩都好重牛香，無雪味，都幾肯定真係用左新鮮牛！先講爽腩，牛味極濃，而且有少少肥位比我依種鍾意食肥肉既人嘆下，口感爽滑唔老，炆得剛剛好，真係好正！🤤到崩沙腩，個人覺得崩沙腩最正係口感，有少少筋筋位令口感更豐富，牛味都好充足，有咬口之餘但完全唔會韌，真係好出色！😍老婆因為鍾意食牛丸，８蚊加左兩粒，試完之後我真係好後悔自己無加😂因為彈牙之外，牛味濃，仲有微微香料味，仲有肉汁！個人覺得仲好食
今日去左朋友介紹既呢間清湯腩專門店，雖然舖仔細細，但係竟然全full！😯
好彩等左5分鐘就入得，望下餐牌，價錢同一般清湯腩店差唔多，但佢竟然話係用新鮮牛肉，依個價錢如果真係新鮮牛就真係好抵！😲
我同老婆兩個人叫左一碗爽腩米加牛丸，一碗崩沙腩粗，一碗牛骨湯浸菜。
唔洗好耐，兩碗粉好快就送到，一上枱就聞到好香牛湯味，要讚既係佢個碗好夠熱，本身湯底又夠熱，所以湯無咁易放涼。
一試啖湯，掂啦！👍🏻濃而不濁，好清甜，牛骨味香濃，完全無味精既死咸感覺，配埋蔥真係一流！唔怪得隔離枱要特登叫一碗湯去飲！😲👍🏻
到主角，牛腩，雖然我唔係食家，但真係食得出兩款牛腩都好重牛香，無雪味，都幾肯定真係用左新鮮牛！先講爽腩，牛味極濃，而且有少少肥位比我依種鍾意食肥肉既人嘆下，口感爽滑唔老，炆得剛剛好，真係好正！🤤
到崩沙腩，個人覺得崩沙腩最正係口感，有少少筋筋位令口感更豐富，牛味都好充足，有咬口之餘但完全唔會韌，真係好出色！😍
老婆因為鍾意食牛丸，８蚊加左兩粒，試完之後我真係好後悔自己無加😂因為彈牙之外，牛味濃，仲有微微香料味，仲有肉汁！個人覺得仲好食過平時最愛既＿興牛丸。。。🤫
最後到個菜，牛骨湯真係令普通既生菜升級，唔需要任何其他調味都好正！🤤
最後提議大家唔洗試辣椒油同沙茶醬，因為原味咁食真係最好食！
今晚無嗌野飲，因為個湯太好味😝
張貼
