影片
更多
2019-04-19
45 瀏覽
每逢星期日都要黎到長沙灣上堂，上堂既其中一個動力來源，就係放左學，可以同男朋友係呢度附近搵間小店，食個美味既lunch，hea番一個下午。係長沙灣、深水埗周圍都係食店，搵食唔難，但又搵一間好食又坐得舒服既唔容易。今日就行過見到匠一麵屋，門面好有係日本拉麵店既感覺，中午時間剛開店，就入去試下啦。唔只門面好有日本風味，店內俾我既感覺一樣置身日本。平常係日本食拉麵都係有壺冰水，坐位有4人坐位，亦有一d開放式既位置俾人坐。Menu選擇唔算多，簡而精，湯底可以選擇醬油雞骨湯或者豚骨濃湯，仲可以隨自己口味，加減配料。我同男朋友勁鐘意糖心蛋，當然要加加加！🍜特製他他醬唐揚炸雞:不嬲都覺得炸雞同他他醬係super match，呢度既唐揚炸雞炸得好juicy，雞肉嫩滑，加少少檸檬汁，感覺更清！🍜日本屋台行列脆口餃子:餃子剛煎好，熱辣辣，脆卜卜，肉餡豐富有汁，好好食，但貪心點左好多橙色既汁，原來有d辣辣地，幾過癮！主角出場~🍜豚骨炙燒叉燒拉麵。加荀、半熟蛋。男朋友食既，未食已經聞到陣好香既焦香味，一碗拉麵有成5塊叉燒，叉燒厚身有咬口，油脂部分香而不油膩。豚骨湯底濃郁，但又唔會過咸，男朋友連湯底都飲晒。。。
係長沙灣、深水埗周圍都係食店，搵食唔難，但又搵一間好食又坐得舒服既唔容易。今日就行過見到匠一麵屋，門面好有係日本拉麵店既感覺，中午時間剛開店，就入去試下啦。
唔只門面好有日本風味，店內俾我既感覺一樣置身日本。
平常係日本食拉麵都係有壺冰水，坐位有4人坐位，亦有一d開放式既位置俾人坐。
Menu選擇唔算多，簡而精，湯底可以選擇醬油雞骨湯或者豚骨濃湯，仲可以隨自己口味，加減配料。
我同男朋友勁鐘意糖心蛋，當然要加加加！
🍜特製他他醬唐揚炸雞:
不嬲都覺得炸雞同他他醬係super match，呢度既唐揚炸雞炸得好juicy，雞肉嫩滑，加少少檸檬汁，感覺更清！
🍜日本屋台行列脆口餃子:
餃子剛煎好，熱辣辣，脆卜卜，肉餡豐富有汁，好好食，但貪心點左好多橙色既汁，原來有d辣辣地，幾過癮！
主角出場~
🍜豚骨炙燒叉燒拉麵。加荀、半熟蛋。
男朋友食既，未食已經聞到陣好香既焦香味，一碗拉麵有成5塊叉燒，叉燒厚身有咬口，油脂部分香而不油膩。
豚骨湯底濃郁，但又唔會過咸，男朋友連湯底都飲晒。。。
仲有糖心蛋加持，個樣勁靚仔，甜甜地好好食，不枉我地加蛋食多隻！
🍜豚骨鹽味拉麵。加紫菜。
因為想食湯底無咁濃既，所以我揀左鹽味湯底，呢個湯底比豚骨炙燒叉燒拉麵無咁濃，但就更加清甜。有一塊叉燒、糖心蛋同其他配料。
麵質軟硬適中，屬於幼身麵，掛湯。好好食呀。
張貼
