影片
更多
2019-06-30
171 瀏覽
新蒲崗雖然無地鐵到，其實入面收埋咗好多好好食嘅食肆，有啲係你唔試過原來係可以咁好食。誤打誤撞黎到呢間醉標，熟路嘅人都知錦榮街同衍慶街都係搵食嘅好地方，泊車又方便，只係呢度門面望落去唔太起眼而且係內街度，上菜就即刻知道係深藏不露。同一般嘅食肆唔同，呢度唔只做一類菜式，舖仔細細但包羅萬有，有泰菜，港式小炒，雞煲，煲仔菜，老闆娘話黎緊仲有酸菜魚同串燒添，睇黎老闆同老闆娘都係老饕黎。睇返餐牌，第一次食就先黎套餐唔洗諗，二至三人餐都只係$198，好抵食，已經有半隻雞，一個泰式前菜，一個餸到飯嘅煲仔菜，加$30仲有個炒菜，其實夠3-4個人食添啦。我地點咗老闆娘推介嘅海南雞，燒豬頸肉，魚香茄子煲，同加埋個馬拉盞通菜。呢份無骨海南雞係必食推介。套餐入面半隻海南雞，去晒骨，齊晒雞翼，上下髀，胸肉，都仲幾大份，老闆娘介紹話海南雞最重要係浸雞嘅步驟，用上湯分幾次浸，咁先可以令到雞肉唔鞋口之餘保持香味，去骨亦都去走啲難熟嘅部份，整體上靚仔啖啖肉。食落就算平時好韌嘅胸肉都真係唔鞋，而且好少肥膏，平時唔太食皮嘅我地都食埋皮，雞肉味都非常好，唔會食到雪味之餘仲有返雞肉味，唔點醬都已經好味。點埋舖頭自家製嘅泰式海南雞
誤打誤撞黎到呢間醉標，熟路嘅人都知錦榮街同衍慶街都係搵食嘅好地方，泊車又方便，只係呢度門面望落去唔太起眼而且係內街度，上菜就即刻知道係深藏不露。
同一般嘅食肆唔同，呢度唔只做一類菜式，舖仔細細但包羅萬有，有泰菜，港式小炒，雞煲，煲仔菜，老闆娘話黎緊仲有酸菜魚同串燒添，睇黎老闆同老闆娘都係老饕黎。睇返餐牌，第一次食就先黎套餐唔洗諗，二至三人餐都只係$198，好抵食，已經有半隻雞，一個泰式前菜，一個餸到飯嘅煲仔菜，加$30仲有個炒菜，其實夠3-4個人食添啦。
我地點咗老闆娘推介嘅海南雞，燒豬頸肉，魚香茄子煲，同加埋個馬拉盞通菜。
呢份無骨海南雞係必食推介。
套餐入面半隻海南雞，去晒骨，齊晒雞翼，上下髀，胸肉，都仲幾大份，老闆娘介紹話海南雞最重要係浸雞嘅步驟，用上湯分幾次浸，咁先可以令到雞肉唔鞋口之餘保持香味，去骨亦都去走啲難熟嘅部份，整體上靚仔啖啖肉。
食落就算平時好韌嘅胸肉都真係唔鞋，而且好少肥膏，平時唔太食皮嘅我地都食埋皮，雞肉味都非常好，唔會食到雪味之餘仲有返雞肉味，唔點醬都已經好味。點埋舖頭自家製嘅泰式海南雞醬就更上一層樓，雞醬酸酸甜甜，就咁攞黎餸飯都仲得。就算出面嘅貴價海南雞都做唔到到咁高質素。
無骨海南雞
12 瀏覽
0 讚好
0 留言
燒豬頸肉又係另一樣好味菜式。
原本我地以為跟餐嘅小食份量會無咁大，上菜嘅時候都係大大份好足量，豬頸肉係有香茅調過味，切得薄身得黎保持爽口彈牙，配埋係泰國舖頭會食到嘅調味醬，酸酸辣辣，好味好味。
泰式燒豬頸肉
5 瀏覽
0 讚好
0 留言
魚香茄子煲，茄子肉碎又帶點辣，熱辣辣送飯又一流，剩係呢個魚香茄子都已經送到多過一個飯。
魚香茄子煲
30 瀏覽
0 讚好
0 留言
最後係馬拉盞炒通菜，一道係其他人眼中普通嘅炒菜，事實呢度炒得非常惹味，有用到蒜頭，蝦米，辣椒，蝦醬，有啲餐廳會炒到偏咸，但佢地就岩岩好唔咸但又夠香夠辣味，連菜都唔老又爽脆，為呢餐中泰式嘅晚飯帶黎完美結尾。
我地兩個人因為呢餐實在好好味，清晒枱呀，好似好耐未食過咁好味嘅小菜咁，好誇張😂
另外一定要講嘅係老闆娘非常親切，笑容滿面，同我地介紹黎緊仲會有比太二更好食嘅酸菜魚，同埋遲下有佢地以前係大埔做開串燒，似乎串燒先係最出色嘅，下次再黎就可以帶朋友同屋企人黎食！
咁岩隔離枱食緊雞煲，睇佢地啲材料仲好新鮮添，下下次叫多啲人再黎又可以再試下！
張貼
