進達餐廳

營業中

休息中

今日入屯門打完牌，朋友帶左我地去呢到鋸扒。唔係本地人帶真係唔識入黎食，餐廳燈光好有情調。黑醋沙律開胃前菜，新鮮新律菜加上酸酸既黑醋，好開胃餐包熱辣辣軟林林，加上牛油超好味。南瓜忌簾湯湯底好濃厚，淡淡南瓜香味，應該落左黑椒去煮呢個湯。威靈頓牛柳威靈頓牛柳係一道好煩複既菜，所以好少地方會提供，今日見到有就決定要試一試。一上台就覺得好誇張，因為實在好大份。酥皮內除左牛柳之外，仲有煙肉。　酥皮入面個汁有少少酸味，酥皮做得鬆脆，牛肉都嫩口。除了主食外，仲有個薯容同Ｄ配菜，配菜都值得一讚，有幾款唔同菜仲好食得出菜本身既甜味。美式雜扒一樣份量都係好驚人，有牛扒，豬鞍，雞扒，司華力腸，太陽蛋。其實每款都好好味，特別係豬鞍同司華力腸。外加左一份意粉，意粉都有炒過先上。最後仲有粒雪米糍做甜品。