影片
更多
2006-10-23
71 瀏覽
坦白講, 我不嬲對聯邦集團都冇咩好感, 無他, 咪就係覺得佢地d野唔好食, 名大過實囉! 但好衰唔衰, 屋企人無啦啦話去呢間野試下喎, 話佢新開張都未試過, 於是咪懷著呢個15/16心情, 博一博囉!冇訂位就去食晚飯, 好彩都比較早, 一行五人唔使等位, 地方大, 好光猛, 環境唔錯! 侍應招呼都算ok!咁我地叫左片皮鴨兩食, 上湯蒜子浸豆苗, 豉油王蒸豆腐, 例湯(西洋菜煲豬肺), 同埋生炒糯米飯! 片皮鴨兩食之第一食片皮鴨, 特登叫佢地搵一隻瘦d, 皮好香好脆, 片得都好薄, 而配片皮鴨粉皮亦都好薄, 食落唔會成口油, 幾好味; 片皮鴨兩食之第二食七彩炒鴨絲, 鴨絲好鬆, 一d都唔老, 配上味菜芽菜一齊炒, 好爽好惹味, 好七彩同埋好開胃添; 上湯蒜子浸豆苗, 豆苗好嫩, 個湯好清, 幾好; 豉油王蒸豆腐, 豉油唔會太咸仲有少少甜咁, 豆腐好滑, 唔使咬都吞得, 一流; 例湯(西洋菜煲豬肺)足料, 冇味精好味; 生炒糯米飯, 糯米煙煙韌韌, 好有咬口, 媽媽仲話佢真係生炒冇蒸過, 炒得好好味, 係d蝦米味太咸同埋太大隻, 有d恐怖! 不過最後我地都係一件不留, 全部食晒! 再叫左B
冇訂位就去食晚飯, 好彩都比較早, 一行五人唔使等位, 地方大, 好光猛, 環境唔錯! 侍應招呼都算ok!
咁我地叫左片皮鴨兩食, 上湯蒜子浸豆苗, 豉油王蒸豆腐, 例湯(西洋菜煲豬肺), 同埋生炒糯米飯! 片皮鴨兩食之第一食片皮鴨, 特登叫佢地搵一隻瘦d, 皮好香好脆, 片得都好薄, 而配片皮鴨粉皮亦都好薄, 食落唔會成口油, 幾好味; 片皮鴨兩食之第二食七彩炒鴨絲, 鴨絲好鬆, 一d都唔老, 配上味菜芽菜一齊炒, 好爽好惹味, 好七彩同埋好開胃添; 上湯蒜子浸豆苗, 豆苗好嫩, 個湯好清, 幾好; 豉油王蒸豆腐, 豉油唔會太咸仲有少少甜咁, 豆腐好滑, 唔使咬都吞得, 一流; 例湯(西洋菜煲豬肺)足料, 冇味精好味; 生炒糯米飯, 糯米煙煙韌韌, 好有咬口, 媽媽仲話佢真係生炒冇蒸過, 炒得好好味, 係d蝦米味太咸同埋太大隻, 有d恐怖! 不過最後我地都係一件不留, 全部食晒!
再叫左B仔涼粉同楊枝金露做甜品, 不過我冇食, 佢地就話好好味, 特別係B仔涼粉喎, 可能好難得有涼粉食啦, 所以佢地都好滿足; 水果有菠蘿; 西瓜同哈蜜瓜, 全部都好清好甜, 特別係菠蘿, 絕對冇浸糖水架!
總括黎講一般家常便飯都做得幾好, 唔知酒席會係點呢? 有d期待! 我諗應該會再黎幫襯! 埋單比埋貼士都係$600, 都算抵食! 對聯邦集團都算改觀左, 希望佢地可以繼續努力啦!
張貼