京滬佳餚 (The LOHAS康城) (已結業)

難得兩位仔仔，都有時間陪肥爸及靚媽食飯，一於揾間好D嘅食店進餐，11月1日一家四口，在此店晚膳，柯打了多款菜色，片皮鴨，雲吞鷄，糖醋黄魚等名菜，再加幾款小菜，及小籠包，牛肉餅，就係當晚全家福宴菜譜，至於食物評價大部份都係高分数，小籠包，牛肉餅，蘿蔔酥，糖醋黃魚，有A+水準雲吞鷄，紅燒肉亦有A級評語，反而所謂鎮店名菜，片皮鴨就有D失望衹有B級水平，至於個三杯鷄可說是最差一個菜色，鷄肉乾嚡，味道又淡僅及C級層次，當晚有一奇怪現像，就係和大仔仔多次飯敍，從未聽過佢話的食物好食，強如瑪寶鮮乳鸽佢都話麻麻有乜咁好食，但呢次佢竟然力讚，今晚嘅菜色大部份都好食，吾知係佢吾識食，抑或佢係天生食評家，要真係佳餚至得到佢讚賞。