Zakka (已結業)

今日同女朋友買野經開銅鑼灣就比我地搵到間日式甜品店，行到攰攰地，女朋友一定會發脾氣，為免發生就入左依間食下野坐下。依間又有飯食又有甜品好似吾錯，因為食左Lunch所以就叫左個pancake 同朱古力心太軟。啲甜品黎左，起初覺得應該都同平時食嘅差吾多，但竟然出乎預料咁好食，我本身吾係個超好甜品嘅人，只係間吾中食下，但我同女朋友叫果兩個甜品都好好食，我冇諗過個心太軟入面係白朱古力，因為我一向都吾太食白朱古力，但佢整得出奇地好食，啲朱古力超濃郁，白朱古力又吾會太甜，吾錯。而個pancake三層我覺得好抵食，出面差吾多價都係得一兩層，好香蛋味而且口感好好，吾會食空氣，最緊要吾會好多cream 。下次經過一定會再食