影片
更多
2011-07-06
136 瀏覽
朋友仔話好鍾意食依間餐廳，咁免為其難，當陪佢食啦 ~ 幫親過兩次，第一次都好耐之前，印象不深，只記得食物一般，食左個鵝肝、墨魚汁意粉，仲有幾樣唔記得，只給 50 分 ~ 今次係第二次，食物出品都係平平，好左少少啦 ~ 服務同環境免強接受，但實在太多蚊，而且坑渠又係附近，間中會傳來異味，怎至惡嗅 ~睇過此餐廳食評，同一問題，點解每位讚好既都只係得幾篇報導既普通食家呢？又一個做梅、失實既食評板面 ﹗所以每次黎 openrice 搵食既時候，唔會單睇佢既笑臉同分數，我會認真地睇吓到底邊個寫、同酙酌一吓裡面既內容是否可信 ~ 如果帶朋友去食飯就撞晒板喇，好慘架 ﹗經驗之談 ~不得不讚，係依度服務最殷勤既係依度老闆，全晚努力推介佢既出品，亦相當細心照顧，適當既時候還懂行開陣，比少少空間我地諗諗點咩菜，比起依度既員工更積極更進取，我都深深明白，生意難做，競爭又激烈 ﹗芒果特飲，GOOD GOOD GOOD ﹗新鮮即制，夠鮮夠凍，冰涼透心，爽爆 ﹗香草包，可能放左好耐、又可能儲存得唔好，麵料既香味同香草味道都不足，而且有啲變硬，無左鬆軟棉棉既感覺。咁試埋佢既橄欖油同黑醋啦，普通貨色，黑醋都還可以，但
睇過此餐廳食評，同一問題，點解每位讚好既都只係得幾篇報導既普通食家呢？又一個做梅、失實既食評板面 ﹗所以每次黎 openrice 搵食既時候，唔會單睇佢既笑臉同分數，我會認真地睇吓到底邊個寫、同酙酌一吓裡面既內容是否可信 ~ 如果帶朋友去食飯就撞晒板喇，好慘架 ﹗經驗之談 ~
不得不讚，係依度服務最殷勤既係依度老闆，全晚努力推介佢既出品，亦相當細心照顧，適當既時候還懂行開陣，比少少空間我地諗諗點咩菜，比起依度既員工更積極更進取，我都深深明白，生意難做，競爭又激烈 ﹗
芒果特飲，GOOD GOOD GOOD ﹗新鮮即制，夠鮮夠凍，冰涼透心，爽爆 ﹗
香草包，可能放左好耐、又可能儲存得唔好，麵料既香味同香草味道都不足，而且有啲變硬，無左鬆軟棉棉既感覺。咁試埋佢既橄欖油同黑醋啦，普通貨色，黑醋都還可以，但橄欖油唔香既？﹗得陣油味。
意式沙律，各類蔬菜均鮮爽，種類又多，份量夠晒大，唯一處理得未夠好既係溫度，如果可以清涼啲，入口會更好好味。
意大利海鮮湯，二百幾蚊，完全唔掂，湯味淡如水，無海鮮味，似蕃茄水稀稀的。而且啲蝦、蜆、帶子、魷魚、等等既海鮮全部係無味而且煮得太熟，鞋烚烚又乾爭爭又硬又靭，依兜到底咩黎架？
芝士菠菜巴馬火腿 PIZZA，全晚最好食既一道菜，其他真係想叫救命。薄薄既餅底夠香脆，正 ﹗巴馬火腿既咸香加上芝士既乳香，配合得天依無縫，而且菠菜可提供淡淡清新味道，緩和一下咸肉跟芝士既濃郁，熱辣辣放入口，非常滿意 ﹗兩個人食一個細批真係唔夠分 ﹗必試 ﹗
烤羊鞍配紅酒汁，羊鞍抺上蜜糖芥苿及麵包糠同烤，面頭焗得脆脆的，羊食五成最鮮嫰，勁多肉汁，濃郁羊肉味，不騷不油，嫰滑非常，好味。見廚師似乎經驗不足，有好多血水滲出，仲留係碟上面，唔合格。其實煮熟後，放係一旁等佢三四分鐘，先將羊鞍解體，可以將血水減至最低，肉佢自己會吸收啲肉汁跟血水。
心太軟軟心朱古力蛋糕，以簡單一個甜品結束，大路穩陣，無問題。
張貼
