Applegreen (已結業)

3年前食過 Applegreen 一次，記得係好好食嘅，一直都好想番尼食今次約左2個姐妹尼食晚飯傾下計～結果D食物令我地好失望，仲要服務態度認真麻麻黑松露薯條，呢個應該係全餐最好食嘅食物，不過不失。明太子意粉，感覺沙律醬太多，明太子比例太少。而且成碟肉都冇一塊 $138叫左半份牛油果蟹肉沙律。蟹肉唔新鮮，有點點異味，雖然好多人推薦，但係唔係好食。松露意大利飯，飯幾有口感，不過好咸咸到我地係咁飲水最後嘅Parma ham 蜜瓜 pizza特別嘅係佢張蜜瓜切到好薄好薄，放係 ham 同 pizza 皮之間但係咁薄嘅蜜瓜係平衡唔到 ham 嘅味道。而且pizza皮有點似梳打餅。仲要成個pizza係凍嘅，好奇怪。最後打算保償下未滿足嘅心靈，叫左杯朱古力。可惜連呢個都好失望，同茶餐廳差唔多，淡。