沖繩二段料理 (Megabox)

營業中

休息中

喺MegaBox行完一輪之後，又差唔多到晚餐時間，於是就決定食埋晚餐先返屋企。經過見到呢間餐廳嘅餐牌似乎做得幾靚，而且又好有日式feel，心諗d食物應該都會幾好味嘅，價錢又合理，於是就喺度開餐啦。呢間餐廳餸菜嘅款式選擇其實唔算多，自己揀咗餸先，然之後就揀唔同味道嘅飯底或者係烏冬底。食完第一啖之後真係覺得唔多掂D飯又涼又硬，嗰個溫度根本唔足以溶到啲芝士雞肉份量都算適中，可惜亦都係唔夠熱，而且唔滑；伴碟嘅胡麻醬豆腐味道係幾好嘅，但不能歸功於餐廳廚師，皆因呢個餸無技術含量可言。反而成個餐最可取嘅係杯凍蜜桃茶，做得恰如其分，蜜桃味突出，而且跟餐唔需要再額外加錢。