HAHA CHICKEN 하하치킨 (西九龍中心)

營業中

休息中

昨天在社交媒體網站上面看到這家店的推廣，條片話呢間HAHA CHICKEN既炸雞又平又好食。作為一名嚐過各大快餐店及小店炸雞的炸雞控，我專登由港島區去西九呢間嘗試。亦都因為試完之後，第一次係OpenRice開帳戶寫食評不吐不快。我叫左50蚊一個韓式甜炸雞餐，有包一個雞飯同一罐汽水，飯就中規中矩，冇咩好評論，畢竟我係專登去食雞既，所以就係評炸雞既味道。講到個雞就真係令人大失所望，件件都好細件。食過麥當勞、肯德基、PHD既炸雞都知，佢地既炸雞都係手板甘大，份量十足。而呢間HAHA CHICKEN既炸雞好就似上述快餐店既炸雞一件切開兩半甘，得一半既大小同份量。至於味道，更加慘不忍睹，人地間間炸雞都好入味，而佢淨係醬料有味。如果冇對比其他餐廳既炸雞，甘當然覺得好味啦，但對比過之後，真係難食過麥當勞。但價錢呢，佢50蚊套餐可以簡4件雞或3件雞配飯，最平都係一件12.5，不見得平過麥當勞幾多。值不值，大家自己有個評價。食評係個人主觀感受，客觀請自行判斷，所有資訊僅供參考之用，不承擔任何責任。