影片
更多
2019-09-30
463 瀏覽
今日中午去咗 APM 整啲野，整完之後見仲有啲時間食到午餐，所以就求其搵咗一間就腳嘅餐廳，好耐之前曾經食過一次感覺真係麻麻地，今次當俾多次機會佢。先講講環境，呢間啲間隔好奇怪三尖八角咁，座位與座位之間又勁貼，燈光又唔夠光鮮，感覺好似一間就快做唔住嘅餐廳咁，同埋學人用 app 點菜，但個 app 重要你自己特登 download 而且重要勁唔好用 👎🏻 同朋友食所以叫咗兩個午餐加多兩個小食。迷你叉燒烏冬壽司定食 ($88) : 先講講個沙律，見到個款真係好小學雞吓，蟹柳絲加粟米做得都幾 hea 🤦🏻♂️ 而壽司方面有幾款我都唔知係乜嘢壽司嚟，個 apps Menu 又冇介紹，其中有一件應該係三文魚吞拿魚卷，一件應該係燒豬頸肉壽司 🤔 感覺有啲似去咗食明將壽司咁。迷你叉燒烏冬份量都幾大兜，可惜兩片叉燒勁薄，蘿蔔又煮得唔夠淋。櫻花丼配麵豉湯 ($68) : 同張相真係有啲對比，魚生份量偏少而且麻麻地新鮮，不過飯既份量就夠多。櫻花蝦豆腐 ($18) : 呢個幾好唔錯，香噴噴嘅脆口櫻花蝦配上軟綿綿嘅豆腐。👍🏻大和炸雞 ($15) : 見佢平平地所以試下，普普通通既炸雞跟個芥末沙律醬，不過醬汁味道
迷你叉燒烏冬壽司定食 ($88) : 先講講個沙律，見到個款真係好小學雞吓，蟹柳絲加粟米做得都幾 hea 🤦🏻♂️ 而壽司方面有幾款我都唔知係乜嘢壽司嚟，個 apps Menu 又冇介紹，其中有一件應該係三文魚吞拿魚卷，一件應該係燒豬頸肉壽司 🤔 感覺有啲似去咗食明將壽司咁。
迷你叉燒烏冬份量都幾大兜，可惜兩片叉燒勁薄，蘿蔔又煮得唔夠淋。
櫻花丼配麵豉湯 ($68) : 同張相真係有啲對比，魚生份量偏少而且麻麻地新鮮，不過飯既份量就夠多。
櫻花蝦豆腐 ($18) : 呢個幾好唔錯，香噴噴嘅脆口櫻花蝦配上軟綿綿嘅豆腐。👍🏻
大和炸雞 ($15) : 見佢平平地所以試下，普普通通既炸雞跟個芥末沙律醬，不過醬汁味道就麻麻地。總括嚟講板長壽司，我諗一生人裏面都唔會再幫襯第三次，除非其他壽司店執晒啦，無論環境、食物質素同價錢都強差人意。
張貼
