意歐

營業中

休息中

今日夜晚大概六點半旺角女人街已經無咩人，病毒變種，過兩日又要禁晚巿堂食。趁出開嚟旺角，揀咗一間西餐廳，趁禁晚巿前食返餐。餐廳感覺有啲舊，抬頭望有啲位係推咗塵，梳化有啲位爆咗。同朋友兩人叫咗每人一份主食，見蠔都幾抵，再order多6隻蠔。朋友嗰個牛扒意粉都可以，但係我啲份就真係唔好食，蠔好唔新鮮。套餐嘅忌廉湯同多士。職員話無法國蠔，得日本蠔，蠔肉有啲係離咗殼，有啲就黐住個殼，我食到係有苦味，朋友就食唔出，不過佢話如果唔點醬吃唔落，雖然係平，但質素真係差。焗芝士蒜蓉汁西冷牛扒意粉，呢個我試過味都ok，牛扒唔韌。德國咸豬手配意粉，豬手係炸嘅，又鞋又乾，食咁多次豬手今次係我第一次食唔晒。