八喜 (已結業)

本過客一行6人去試試八喜睇吓有無驚喜啦.... 誰不知，一切都係超級一般!! 胡椒餅: 真係好胡椒，但係除咗胡椒味就咩都無... 連香茜味都比胡椒味蓋過!! 本過客完全唔食香茜的，都完全食唔出任何香茜味，依個胡椒餅係名副其實的胡椒餅!! 牛肉餅: 一般啦... 比起胡椒餅，本過客既飯友比較喜歡牛肉餅... 所以建議食客二選一的話就唔好叫胡椒餅，叫牛肉餅啦! 麻辣鴨舌: 完全唔麻辣的麻辣鴨舌!! 唔識形容.... 總之好普通既鴨舌! 肉燥A菜: 算係此行最好味的一度菜!! 三杯雞: 味道係唔錯既，但係就係蒜頭多過雞囉!! 皮蛋凍豆腐: 無什特別，喜歡吃皮蛋既食客都可以叫吓嚟食囉!! 擔仔麵: 麵質偏淋，係好一般架咋!! 後記: 本過客既飯友叫咗碗擔擔麵同埋九菜盒係漏咗單! 漏單唔係問題，但係問咗幾次waitress 都話幫我地睇睇，點知，到我地食晒野再追問，先覆返話原來係漏咗單!! 即係之前有無check 呢?!?!? 本過客只可以講: "完全無服務" 同埋 "不能夠"!!