影片
更多
2018-03-06
759 瀏覽
詠藜園經常係美食推薦到見到，首當其衝就一定係佢招牌擔擔麵，對京川菜頗感興趣既我想試左好耐！十二點幾到左，當時客人都未算多，但慢慢客流增加，不變既係每台都差唔多會叫招牌擔擔麵我特登為左佢而來，好期待！招牌擔擔麵叫左小辣但完全無辣味，唔叫辣可能仲無咁油添！食落完全食唔出有咩特別，麵質軟淋，個人偏向有口感既麵質，所以佢對我黎講淋左些少，失望。但可能係幼麵，質地滑，好易入口。湯底稠身、聞到香既花生味，但食落就無花生味，麵條淨係有少少鹹鹹地，唔知點解咁出名可能我抱太大期望，所以失望啦！雖然價錢平，但份量都相對少。醉豬手一放落黎，酒味係扑鼻而來，好濃酒香。不嬲對哩種似肥膏既食物無興趣，但係同伴建議下試左一舊，估唔到又唔差喎！食落豬皮彈牙，膠質好足，唔油膩之餘仲好似食緊骨膠原咁。不過就無咩肉，哩個正常既，但係聞到既酒香依然食唔出酒味，同埋偏鹹，我食一舊都覺得鹹。小籠包好似去到邊都想嗌，但真正好食既，真係好難揾即叫即蒸，等既時間較長，出到黎冒住煙，好似好吸引。食落就普通到一個點。皮唔厚，都算薄既；夾住都唔會穿，唔係因為佢皮整得啱啱好，只係因為入面淨係得個肉餡，可以講係完全無湯可言，似係食緊一塊皮同一舊
十二點幾到左，當時客人都未算多，但慢慢客流增加，不變既係每台都差唔多會叫招牌擔擔麵
我特登為左佢而來，好期待！
招牌擔擔麵
$29
17 瀏覽
0 讚好
0 留言
招牌擔擔麵叫左小辣但完全無辣味，唔叫辣可能仲無咁油添！
食落完全食唔出有咩特別，麵質軟淋，個人偏向有口感既麵質，所以佢對我黎講淋左些少，失望。
但可能係幼麵，質地滑，好易入口。
湯底稠身、聞到香既花生味，但食落就無花生味，麵條淨係有少少鹹鹹地，唔知點解咁出名
可能我抱太大期望，所以失望啦！雖然價錢平，但份量都相對少。
醉豬手
$34
24 瀏覽
0 讚好
0 留言
不嬲對哩種似肥膏既食物無興趣，但係同伴建議下試左一舊，估唔到又唔差喎！
食落豬皮彈牙，膠質好足，唔油膩之餘仲好似食緊骨膠原咁。
不過就無咩肉，哩個正常既，但係聞到既酒香依然食唔出酒味，同埋偏鹹，我食一舊都覺得鹹。
鮮肉小籠包
$58
24 瀏覽
0 讚好
0 留言
小籠包好似去到邊都想嗌，但真正好食既，真係好難揾
即叫即蒸，等既時間較長，出到黎冒住煙，好似好吸引。
食落就普通到一個點。
皮唔厚，都算薄既；夾住都唔會穿，唔係因為佢皮整得啱啱好，只係因為入面淨係得個肉餡，可以講係完全無湯可言，似係食緊一塊皮同一舊肉，無湯令我感受唔到我係食緊小籠包。
仔細睇有見到蒸籠上面有湯汁以為好juicy，原因只係我諗多左
酸辣湯鍋巴
$68
21 瀏覽
0 讚好
0 留言
哩個份量就好足。
酸辣湯一筆起都見到唔少配料，木耳絲、粉絲、豆乾、豬皮同蛋絲，口感豐富，
酸辣湯味道適中，唔酸唔辣，都唔太油，其實算接受到，但唔會係好好飲，味蕾無被衝擊到。
鍋巴好似平時食開既米通，好脆口，本身我都唔太想試，但係食左一舊發覺同酸辣湯一齊食又幾夾，
沾左湯之後即食，有湯既小小酸而鍋巴仲脆，幾過癮，但始終係炸既，我都唔太敢食咁多。
不過，米通唔會食落成口油，可取
價錢同份量黎講，算係性價比高，但味道真係同想像既有落差，點解咁多人話好食既？
唔係太有要求既話，都有啲菜式可以試既，未至於入唔到口，
幾多分我就唔知點比，但就應該唔會再去食囉～
張貼
