影片
更多
2017-01-29
759 瀏覽
今日殺入佐敦食野，全因朋友仔一句「我想食蒸海鮮」，咁我地幾個早收工人士唯有由旺角慢慢行過去，原來都係行半個鍾就到，去到朋友仔又剛好係玉器市場個邊收工，perfect！因為我地4個人，見人地openrice既人都係各自叫兩個，我地為左試得多d，又可以每人平少少，所以決定都係每個set要兩份。老實講，一開始睇落都覺得幾少，好似無咩野食咁，仲擔心會唔會唔夠飽，但最後我地4個都係飽到行唔郁，原來老闆預咁多係有原因，真係夠食架。老闆話遲下會有新餐牌，俾我地搶先睇下，仲叫我地下次有興趣可以過黎試下野。有無見到左邊紅紅地個碟野，呢個係老闆自己整既豆芽辣海鮮，好食到不得了，係用有時剩左既海鮮醃成，唔會浪費食材，辣辣地又好鮮味，做餐前小食真係好開胃架！我地4個人起勢搶，唔使幾分鐘就食哂，之後老闆好好人咁送多碟俾我地，好開心！花生同豉油都係老闆自己整，只能夠講老闆真係好有心做餐廳，成日行出黎樓面，仲要整咁多野食，勁呀！呢個無限REFILL既花茶，菊花味好香，清漓地，我地都覺得好過飲汽水。蒸海鮮個粥底好緊要，呢個係南瓜排骨粥，落左料就可以由得佢。先黎蒸蝦同蜆，兩個都係剛剛好熟，個人超級中意食蜆，鮮味就真無得
因為我地4個人，見人地openrice既人都係各自叫兩個，我地為左試得多d，又可以每人平少少，所以決定都係每個set要兩份。老實講，一開始睇落都覺得幾少，好似無咩野食咁，仲擔心會唔會唔夠飽，但最後我地4個都係飽到行唔郁，原來老闆預咁多係有原因，真係夠食架。
老闆話遲下會有新餐牌，俾我地搶先睇下，仲叫我地下次有興趣可以過黎試下野。
有無見到左邊紅紅地個碟野，呢個係老闆自己整既豆芽辣海鮮，好食到不得了，係用有時剩左既海鮮醃成，唔會浪費食材，辣辣地又好鮮味，做餐前小食真係好開胃架！我地4個人起勢搶，唔使幾分鐘就食哂，之後老闆好好人咁送多碟俾我地，好開心！花生同豉油都係老闆自己整，只能夠講老闆真係好有心做餐廳，成日行出黎樓面，仲要整咁多野食，勁呀！
呢個無限REFILL既花茶，菊花味好香，清漓地，我地都覺得好過飲汽水。
蒸海鮮個粥底好緊要，呢個係南瓜排骨粥，落左料就可以由得佢。
先黎蒸蝦同蜆，兩個都係剛剛好熟，個人超級中意食蜆，鮮味就真無得輸，好想食多幾轉。
呢個魚肉係深海龍躉，入口好結實，有D似食緊肉既感覺，個皮好厚好有咬口，膠原蛋白豐富到令個口黏黏地。
之後係蝦丸、墨丸配豬肉片，最估唔到係個豬肉片入口即溶，個種軟綿綿既口感無諗過會係豬肉出現，成檯人食完都忍唔住講左句「嘩，呢個係咩新世界」。蝦丸同墨丸係手打，入口非常彈牙，而且食到食材本身的味道，絕對唔係個D少多肉少既cheap野。
呢個蟶子又係剛好熟，手掌咁長兩個人分，入口鮮味又多汁，正呀。
再黎係令人尖叫既帶子，原本見到上面d水以為係蒸汽，點知老闆話呢d先係精華，一定要飲左先食肉。結果一飲，好清甜，就好似將隻帶子榨汁咁，d味真係好鮮，好想食多隻！帶子肉本身好厚，蒸完大約8-9成熟，唔會好老好難咬，嫩嫩地咁好好食。
差d唔記得左我地個set有牛肉。呢個肉係7成左右，入口唔會有血腥味，反而肉味都幾重，加少少鹽落去調味已經好夠。
再黎既係龍蝦，都比想像中大隻，蝦肉鮮甜彈牙，完全唔會霉肉，我最中意係個蝦頭d膏，又香又濃，要新鮮既龍蝦先可以咁樣食。
之後黎個大雜燴，有蔬菜同雞肉同餃子一齊蒸。個人比較驚喜係蟲草雞，連雞胸肉都係好滑好嫩，入口估唔到會係咁。仲有秋葵平時食會好滑孱孱，但蒸完既秋葵令到呢個不安既口感好左，容易入口。
粥底完成喇！一打開個下已經聞到好香南瓜既甜味，入口好綿滑，仲有頭先海鮮既精華，呢個粥絕對係全晚既完美句號。
之後仲有糖水，不過我都食唔落，所以俾左朋友仔，佢地話清清地唔會太膩，中和頭先食左咁多野就剛剛好。其實除左野食之外，老闆都係成餐飯既靈魂，見我地d野無哂會幫我地主動refill，仲會過黎同我地傾下計，臨走個時唔只講「多謝哂」咁行貨，仲會話「得閒過黎探下我」，即刻真係覺得有家的感覺，好似朋友咁，下次一定會再黎架！
張貼
