和平飯店 (V Walk) (已結業)

尋晚第一次去咗V walk 嗰間和平飯店食晚飯！6:00已經有好多人排隊準備入去食晚飯，心諗咁多人食應該都唔會差得去邊，我哋四個人去叫咗一個四人餐，望落去都好抵食，之後每一碟餸嚟到嘅時候，😰賣相極之差，脆豬手，一啲都唔脆，食落口仲好油膩嘅感覺！乾煎大腸，食咗一舊已經想反轉隻碟，又冇味又油，竹笙海皇羹，好似飲味精咁，最差最差就係黃金大蝦，個蝦頭直情臭腥味！蝦頭已經發黑，應該係雪藏之前隻蝦應該死咗好耐！從來未食過一間飯店可以咁難食！唔明白點解仲有咁多人排隊去食，Send出嚟嘅相每一碟係我未食之前影嘅，完全係求其出品🙈