清真牛肉館 (龍崗道) (已結業)

經上次試過外賣初試牛餅之後, 我又心思思又想嚟食, 今日就帶埋大小公子嚟, 大公子年紀小小, 不知何解已喜歡吃辛辣食物, d口味都唔似我, 帶佢嚟食咖哩就啱晒合尺! 較好時間過了中午繁忙時段, 在門口等了一會就有位. 我們已經好肚餓了, 嗱嗱臨便柯打. 這裏有幾款套餐選擇, 我們揀了個二人套餐, 有我們想吃的... 麻油雞 - 吃落味道像沙薑雞, 重麻油味, 雞也很滑, 好正! 但太細碟了, 唔夠喉呀! 蒜蓉炒時菜 - 普普通通的炒菜, 時菜款式無得揀, 但都好新鮮! 咖哩羊腩 - 羊腩煮得超腍, 好正! 咖哩味不太辣, 但惹味! 送飯一流, 我地亦叫咗碗白飯添! 牛肉餅X2 - 在現場即食比外賣更熱辣辣, 勁爆汁! 另外加了份羊肉春卷, 春卷炸得金黃脆口, 但略嚴羊肉餡有些不足. 牛肉餅實在太好味, 我們又再追加了三件! 吃罷後埋單都唔駛兩舊, 好飽, 好滿足!