新三陽南貨

營業中

休息中

食左無數咁多次，剛好今次記得影相，係時候寫返d野啦... 今日一早就係九龍城，於是就一次過去哂平日夜左買唔到我心頭好既地方買小吃，呢度係第一站！黃豆糯米糍 - 呢度既糯米糍係必食架！因為佢個皮做得好煙un，又夠薄，最緊要係個餡香得黎唔會過甜！不過好搶手架！夜d去都無... 買左返黎要儘快食，千其唔好放到夜晚，唔係個皮會硬哂，唔好食呢！有三種味道選擇：紅豆、黃豆 (有紅點)、黑芝麻 (只係假期先有機會有)鴨腎 - 又係另一樣我勁鍾意食既小吃，味道好香，但係又唔會話好乾好硬，個口感好適中，不過都係手快有手慢無！第時有大閘蟹先再放上黎俾大家睇！