歇腳亭 (葵涌廣場)

營業中

休息中

話說，係早2-3年左右，竭腳亭係香港有好多分店，同貢茶不相伯仲，仲有大大張相係老闆同馬英九影嘅，之前同老公好中意飲呢度嘅手感香芋牛奶，話明手感係因為佢係有粒粒芋頭，再用冰粒打碎好似沙冰咁。再加上牛奶係又香又滑。但唔知係咪因爲台式茶店愈黎愈多，如果冇不停諗出新花款其實好快會比淘汰，我好記得個時荃灣有一間，我成日同老公會去買黎飲，因為真係未見有第二間台式飲品店有，但唔知點解會最新執左。星期六時同老公二人行下葵涌廣場時見到呢度有，立即叫老公去買一杯比我飲。可能因為係有粒粒芋頭同埋加入牛奶，佢嘅價錢比起其他飲品係貴少少，但我個人認為都值得嘅。今次隔左咁耐再飲，芋頭依舊一粒粒，但好似少過之前？！冰粒未攪到太碎，比較大粒，最後同老公二人咬到口都軟，不過味道都仲有好香嘅芋頭味。不過都明白係葵涌廣場又多人，店員都應該做到冇停手，明白嘅。