影片
更多
2018-02-09
1232 瀏覽
其實行過Hearts已經好幾次，成日都話想試但無機會，今晚又黎呢度附近做野，一於黎試下佢。唔講唔知，原來有咸食叫，價錢大眾化，咁晚飯同甜品一次過食哂佢先。日式叉燒拉麵（$40）自己叫左碗拉麵，份量幾大碗，賣相都唔錯喎。叉燒係圓形個種，半肥瘦口感不錯。麵無鹼水味，湯底雖不算濃厚，但有豬骨味亦不假，非正式拉麵舖的小店而言收貨有餘了。意大利香草醬蜆肉意粉（$50）朋友叫左呢樣，份量極大，蜆肉勁多，滿滿一碟都係蜆肉，香草醬亦下得重手，味道對胃。熱咖啡＆熱鮮奶原來叫咸食仲有飲品送，天氣凍齊齊叫熱飲。朋友杯咖啡很香，夠哂熱好飲喎。自己要左杯熱鮮奶，真係煲熱唔係微波喎，有誠意。榴槤班戟配雪糕（$38）跟住梗係食甜品啦，本來都係為左食甜品而來。同朋友一人一件榴槤班戟，上枱時已榴槤飄香啦～好多榴槤同cream，正，軟綿綿又香甜，爆餡㗎！雪糕要左曲奇味，無乜特別啦。芝麻湯丸燉甜椰（$47）再來就係滋潤系列，燉奶加埋椰子水十分清甜香滑，好正。熱辣辣，又香又滑好好味。芝麻湯丸煙煙韌韌，餡料很多，芝麻香正呀。燕窩燉甜椰（$69）本來自己都係揀左要芝麻湯丸甜椰㗎，廢事同朋友一樣就轉左試下燕窩，見隔離枱食得好正咁嘛
唔講唔知，原來有咸食叫，價錢大眾化，咁晚飯同甜品一次過食哂佢先。
日式叉燒拉麵（$40）自己叫左碗拉麵，份量幾大碗，賣相都唔錯喎。
叉燒係圓形個種，半肥瘦口感不錯。
麵無鹼水味，湯底雖不算濃厚，但有豬骨味亦不假，非正式拉麵舖的小店而言收貨有餘了。
意大利香草醬蜆肉意粉（$50）朋友叫左呢樣，份量極大，蜆肉勁多，滿滿一碟都係蜆肉，香草醬亦下得重手，味道對胃。
熱咖啡＆熱鮮奶原來叫咸食仲有飲品送，天氣凍齊齊叫熱飲。朋友杯咖啡很香，夠哂熱好飲喎。自己要左杯熱鮮奶，真係煲熱唔係微波喎，有誠意。
榴槤班戟配雪糕（$38）跟住梗係食甜品啦，本來都係為左食甜品而來。同朋友一人一件榴槤班戟，上枱時已榴槤飄香啦～
好多榴槤同cream，正，軟綿綿又香甜，爆餡㗎！雪糕要左曲奇味，無乜特別啦。
芝麻湯丸燉甜椰（$47）再來就係滋潤系列，燉奶加埋椰子水十分清甜香滑，好正。
熱辣辣，又香又滑好好味。
芝麻湯丸煙煙韌韌，餡料很多，芝麻香正呀。
燕窩燉甜椰（$69）本來自己都係揀左要芝麻湯丸甜椰㗎，廢事同朋友一樣就轉左試下燕窩，見隔離枱食得好正咁嘛，燕窩都下得不少喎，好吸引！
燉奶同樣香滑，多了燕窩的口感，微甜啱哂朋友，自己則喜歡甜一點的甜品了。整體而言咸食同甜食都很不錯，價錢又不貴，而且小店不用加一，抵食！
張貼
