新一派 味道 (已結業)

話說今日1點幾食午市啦，跟著叫左一碟炒烏東一碟番蛋牛飯，再加多個肉醬意粉打包攞走比我娘親食啦，個服務員已經發緊夢咁，我指著A佢就寫B,飲0茶就寫0水，我都好聲好氣同佢講話換過佢啦，個waiter同我講：「差唔多姐，不如飲0水啦，重好呀」我心諗：XXXX，跟著兩個飯重離譜，等左半個鐘，單都冇張，我就同佢講叫佢跟下啦，跟著佢第一時間做既唔係跟單喎，竟然企番響度同隔離條友吹水，最後叫左個經理黎跟啦，佢同我講話未入單，我當時已經坐左半粒鐘，聽到既竟然係未入單，人地隔離枱食完走埋你同我講未落單！！！有冇搞錯，跟著又到下午茶時段，我同我老豆死死地氣食個炒飯就算啦，心諗有野落下肚就算數，今次我醒目啦，跟埋佢出去落單，我頂吖佢廚房搞左成粒鐘都未有野出，我火都黎，果斷：「兩杯0水埋單，其他全部同我cut X曬佢。」，最後多謝36蚊。我拎個銀包出黎，諗著用八達通比啦，佢搞左成分鐘都未整好部機，我把幾火，拎張50蚊出黎拍落張枱度講：「唔使找！」最嬲係咩呢，個外賣竟然出現啦，佢重問我：「個外賣重要唔要呀？」我臉都黑埋，同佢講：「留番比你晚市食啦！」講真我都唔覺得自己咁易發火，但係諗著響新一派食野既人，話你知，