影片
更多
2010-11-06
18 瀏覽
估唔到我第一次寫食評，竟然會係寫一間餐廳嘅食物質素有幾差！今晚我同男朋友喺銅鑼灣食晚飯，由於我非常肚餓而其他就近嘅食肆都好多人，我地決定去呢間冇乜人等位嘅江川。喺等緊位嘅時候見到佢門口個menu，啲食物睇起上黎好吸引，令我地都非常雀躍，諗定想order邊幾樣野～～的確，等左唔係好耐就可以入去食野。最初，侍應安排左我地去order枱度坐，但係可能張枱實在太近counter，所以不停有侍應行出行入，仲要係咁踢到我男朋友張櫈，結果我男朋友忍唔住叫左個經理過黎，同佢講話想換枱。點知個經理望都唔望下就答我地冇枱（明明我地見到附近有張吉嘅六人枱，迴轉枱亦有空位...=.=），跟住我男朋友就重申佢真係俾人踢櫈踢左好多次，even經理行埋黎果陣都踢左佢一野，個經理先肯同我地換枱，不過態度麻麻，亦都冇同我地講過一聲唔好意思。到食物送黎嘅時候，我男朋友就話點解佢啲壽司咁細件，似一條條多過一件件。我望下又真係幾細件喎＠.＠ 我諗佢呢度嘅兩件大概等於板長嘅一件半左右啦～但都唔緊要，計我話最緊要好食，細細件反而可以試多幾款～可惜，食物質素實在叫人失望！啲吞拿魚刺身好似滲緊水咁，顏色暗啞冇光澤，亦冇任何鮮味，反而
今晚我同男朋友喺銅鑼灣食晚飯，由於我非常肚餓而其他就近嘅食肆都好多人，我地決定去呢間冇乜人等位嘅江川。
喺等緊位嘅時候見到佢門口個menu，啲食物睇起上黎好吸引，令我地都非常雀躍，諗定想order邊幾樣野～～
的確，等左唔係好耐就可以入去食野。
最初，侍應安排左我地去order枱度坐，但係可能張枱實在太近counter，所以不停有侍應行出行入，仲要係咁踢到我男朋友張櫈，結果我男朋友忍唔住叫左個經理過黎，同佢講話想換枱。點知個經理望都唔望下就答我地冇枱（明明我地見到附近有張吉嘅六人枱，迴轉枱亦有空位...=.=），跟住我男朋友就重申佢真係俾人踢櫈踢左好多次，even經理行埋黎果陣都踢左佢一野，個經理先肯同我地換枱，不過態度麻麻，亦都冇同我地講過一聲唔好意思。
到食物送黎嘅時候，我男朋友就話點解佢啲壽司咁細件，似一條條多過一件件。我望下又真係幾細件喎＠.＠ 我諗佢呢度嘅兩件大概等於板長嘅一件半左右啦～但都唔緊要，計我話最緊要好食，細細件反而可以試多幾款～
可惜，食物質素實在叫人失望！啲吞拿魚刺身好似滲緊水咁，顏色暗啞冇光澤，亦冇任何鮮味，反而有陣金屬味同血水味（佢仲要話係藍鰭吞拿=.=），令我覺得佢好唔新鮮～
再試其他壽司，魚生同樣難食 而且因為佢整到件壽司好似一條條咁（個人估計啲壽司飯唔係手握出黎，而係將飯放喺保鮮紙上，捲成條狀再喺中間擰斷，如果唔係冇理由舊飯會兩頭尖=_="），筷子永遠夾唔穩，,郁下就跌，以致進食非常困難～我自問揸筷子都幾叻，但都跌左舊有好多沙律醬嘅壽司落件衫度=n=
再加埋隻豉油碟細隻得黎又係碗形設計，碗口細、碗又深，當我想將壽司反轉放入豉油碟，點少少豉油先食果陣，我發覺根本放唔入，扣分!!!
個一口鵝肝係人氣之選，我地都order左一客，其實件鵝肝本身冇咩太大問題，唔係特別好食但亦唔難食，不過衰在件多士質素好差，食果陣感受到嘅唔係鬆脆，其實如果係硬脆我都接受，但件多士食落係會碎成一粒粒好幼嘅粉狀，超級嘔心！呢種口感證明個方包本身搓得唔好，焗出黎完全冇起絲嘅狀態，我相信求其行過是但一間麵包店啲方包都會好食過佢，真係唔知佢入果啲貨喺邊度黎......
雖然我男朋友話佢未食飽，但最後我地都冇食晒啲野，最初我地都覺得好浪費，所以勉強食多左兩件，不過真係頂唔順，太難食～卒之淨返幾件充滿金屬味同血水味嘅魚生&壽司～
呢間舖頭真係幫襯一次就夠，亦冇興趣再去試其他野睇下有冇機會翻案。
張貼