뽀끼 正宗韓國小食 (已結業)

今日係 white day, 我夜晚8點迫老公同我去登打士街掃街，首先去左青玉買珍珠奶茶，之後過嚟肥姐隔離果間韓國小食，佢真係平靚正。 我揀左炒年糕$28, 醬烤雞 $38, 壽司卷 $35, 由於太餓，前兩樣都無影相呀！ 年糕個汁辣中帶甜，唔太好辣既我都接受到，年糕煙韌。4大塊醬烤雞炸得香脆，個酸甜汁好惹味，雞肉外脆內juicy，超正 壽司卷材料豐富，有濃濃麻油香，飯是qq的，最主要係用嚟填飽個肚既。 三樣野都係$101, 兩個人食到十二分飽呀！