渝人碼頭 (已結業)

今日終於到我地食渝人碼頭喇鋪頭入面裝修好靚 有好多擺設 中菜feel非常濃厚我地嗌咗鴛鴦鍋 一個松茸湯一個酸菜魚湯店員建議我地先飲松茸湯 因為佢無味精 啱晒成日無湯水飲嘅我地 松茸湯非常好飲 越煲得耐啲松茸味越出 推薦酸菜魚湯嘅魚都好滑 不過可以有得揀辣度就更好呢度嘅食物亦好多選擇 一般鋪頭無嘅例如魚鰾 黃喉 牛肝等等 佢都都俾我地提供選擇食物亦非常新鮮 碼頭至尊牛肉拼盤裡面有幾種牛嘅部位 我係非常推薦 因為啲牛味好鮮甜 入口有濃濃嘅肉香 可惜分量較少 鋪頭入面仲有幾款甜品 我同朋友都好喜歡食糍粑 見到呢間有 真係好開心糍粑嘅口感好好 外脆內煙靭 出面有紅糖有豆粉 份量亦合理 如果有多啲紅糖會更出色總括而言 雖然呢間係川味店鋪 但因為佢主打無味精 我打完邊爐係完全唔口渴 松茸湯底仲可以keep住飲 喜歡四川菜又喜歡健康嘅 可以考慮呢間👍👍