影片
更多
2018-12-11
187 瀏覽
話說我睇左好多評論，都讚到依間好好，所以慶祝生日就選左依間。我地一行七人星期日食，每人199加一，包左咩？就包左係出面既韓或食物，有兩款飲品選，任食豬牛雞，炸雞，湯底有人蔘雞或者部隊鍋。出面寫咗每四人就會送醬油蟹或者靚啲嘅牛肉，原來要每人加68定78任飲先會送，所以我地冇加。食九十分鐘。另外又話兩人一個煲，可惜我哋七個人都係得兩個煲我地兩個都叫左部隊鍋配雪濃湯底個煲細到真係吉野家個啲仲大，話就話部隊鍋，其實得午餐肉，面，兩隻青口，仲要係唔開，望到個心都突一突。飲品方面有兩款，好似叫柚子汁同酸梅汁，總之兩款都係冇味。出面任拎嘅食物，有中式湯，魚蛋，韓式pizza，關東煮，自製韓式飯鍋，我驚太飽冇食。食物款款都唔好食。而出邊都有唔同打邊爐嘅丸，菜，都係普通嗰啲。任食肉類方面，講起就最嬲除左一開始落完單黎過一轉炸雞同各款肉類之後，之後叫親都冇黎，吹極都唔黎，我覺得真係完全唔可以叫任食囉。黎過一轉既肉真係cheap到出面任食火鍋一百蚊一個人既肉仲靚過佢啲肉仲要分兩塊就一隻碟，枱又迫，分咁多碗碟都唔知做咩炸雞方面，有好多醬選擇，可惜炸雞又係黎得一次，入面炸得好乾。最好笑係叫職員加湯，由於我地叫雪
我地一行七人星期日食，每人199加一，包左咩？就包左係出面既韓或食物，有兩款飲品選，任食豬牛雞，炸雞，湯底有人蔘雞或者部隊鍋。出面寫咗每四人就會送醬油蟹或者靚啲嘅牛肉，原來要每人加68定78任飲先會送，所以我地冇加。食九十分鐘。
另外又話兩人一個煲，可惜我哋七個人都係得兩個煲
我地兩個都叫左部隊鍋配雪濃湯底
個煲細到真係吉野家個啲仲大，話就話部隊鍋，其實得午餐肉，面，兩隻青口，仲要係唔開，望到個心都突一突。
飲品方面有兩款，好似叫柚子汁同酸梅汁，總之兩款都係冇味。出面任拎嘅食物，有中式湯，魚蛋，韓式pizza，關東煮，自製韓式飯鍋，我驚太飽冇食。食物款款都唔好食。而出邊都有唔同打邊爐嘅丸，菜，都係普通嗰啲。
任食肉類方面，講起就最嬲除左一開始落完單黎過一轉炸雞同各款肉類之後，之後叫親都冇黎，吹極都唔黎，我覺得真係完全唔可以叫任食囉。黎過一轉既肉真係cheap到出面任食火鍋一百蚊一個人既肉仲靚過佢啲肉仲要分兩塊就一隻碟，枱又迫，分咁多碗碟都唔知做咩
炸雞方面，有好多醬選擇，可惜炸雞又係黎得一次，入面炸得好乾。
最好笑係叫職員加湯，由於我地叫雪濃湯，第一次都加番啲白色雪濃湯湯底，點知第二次叫一個女人既職員，加啲清湯比我地，我地話唔係依款，佢仲死都話信佢冇加錯，佢都傻既，明明倒出後透明咁都話岩，次後我都唔敢再叫佢加，自己去拎番啲雪濃湯好過
甜品方面，有雪糕，不過都係好難食。
總結，我真係信錯左啲食評，全間店無論食物質素，定上菜，定服務，全部都冇樣好，真係唔好幫襯，真係太到極點
張貼
