五十嵐日本料理 (已結業)

平時係附近返工，幾乎每日都會光顧下呢間野。間舖環境係附近黎講算係好好架啦！初初岩岩開張果陣都好怕日本野，一定好貴。點知食落先知，原來日本野都可以好抵架就以我叫呢個海鮮鍋咁，連埋熱飲都係$30 勁抵！而且用料都好足，有蝦有蟹有魚有鮮魷有青口，真係抵到爛！而且食落味道都好好，味精唔算太多　d湯都要飲埋值得一提，返學日子呢度仲有$20既學生餐，$20連凍飲，真係蝕住黎做。各位學生哥唔好放過呢個機會啦唯一缺點係上菜有d慢要等好耐先有得食，可能太多人食啦有d野要補充一下，朝頭早個開舖時間好似改左做１０點ｗｏ