炳記牛牛 (已結業)

「便宜莫貪」呢句話講得一啲都冇錯，見門前嘅餐牌，一個焗飯都唔超過30蚊，諗住入去試吓....餐牌上不明不白嘅指示，唔多明佢寫啲咩，於是舉手請果位坐喺度食緊飯睇緊電視嘅侍應小姐埋嚟幫幫手...舉手示意時，已察覺佢唔多願意行埋嚟...不情不願下，終於走到埋嚟...我開始發問...問咗兩句，佢就表現好唔耐煩，放低紙同筆，徑自返埋位繼續食佢嘅飯&睇佢嘅電視.，但當時仲好早，舖面計埋我得兩枱客人，唔忙，但佢唔願做嘢...佢呢個舉動真係有啲動到我嘅真氣，最後我喺張紙上TAKE上「卡邦尼海鮮焗飯」，並打算自己遞埋去...一個年紀稍大嘅女人 走上嚟，接過我張紙，於是我話：「我仲以為要自己遞埋去嘅添...」果個疑似侍應嘅女仔依然故我，繼續睇電視，心諗：「咁嘅時勢仲可以容得下呢啲人嘅？」個飯嚟到，講真，我真係未食過咁差嘅焗飯，根本唔係焗，而係就咁稔啲汁上飯面，而且仲唔夠熱...服務丙級、食物丙級，果然店如其名，一定冇下次...