明洞Express (已結業)

真係express，一坐底買完，大概7 ,8分鐘就已經有野食黎到。配菜有銀芽同薯仔(註:個樣勁似蘿蔔)牛肉炒粉絲($68): 牛肉都算大塊，粉絲唔會太淋，仲可以保持薯粉特質。泡菜煎餅($65): 勁粉，乜餡料都冇，就連一片泡菜都冇。煎餅嘅汁偏辣似加左辣椒嘅魚露，但同煎餅一啲都唔夾。公仔麵炒年糕($65): 年糕煙煙unun，好有嚼頭。公仔麵夠入味。豆腐湯($55): 嫩滑豆腐，一放入口即溶咁。好有豆味。湯都好夠味夠濃，配飯一齊食好好。