譚仔雲南米線 (已結業)

第一次食譚仔嘅時候，完全唔明白佢點樣分辣嘅程度，譚仔阿姐見我第一次，就提議試吓10小辣先，我仲問佢10小辣是否等於小辣嘅10倍🤣，經佢解釋後，我就叫咗5小辣😁；呢種分辣嘅程度，似乎係譚仔首創🤔今日未夠12點就路過呢一間，佢啱啱開門，我一個人唔使等位，就入去坐低咗，叫咗碗套餐4小辣。可能剛開門未準備好，都等咗成15分鐘碗米線才到。一貫大大碗，幾好味，賣相比較凌亂，不過譚仔當然唔係講賣相啦😅。呢間分店第一次嚟，好似冇平時食開嘅4小辣咁辣。譚仔味道唔錯，加上價錢超大眾化，所以咁多人一直幫襯。