臺樓 (已結業)

行完成日山，五點嚟到呢度諗住食個台式下午茶。打開menu，發覺餐牌有八、九成係港式食物…咁點解要打住台灣菜既旗號？叫咗個台式新竹米粉餐，下午茶時間-$3，連普通野飲。($37)問店員轉珍珠奶茶加幾錢，佢答加$10！　本身差價只係$5咋喎，你唔好去搶？最後叫熱檸水算。碗粉跟兩個餸，揀咗花枝丸同豬頸肉。一上菜已經咗。乜呢隻係新竹米粉咩？無論賣相定味道，點都似係普通廣東米粉喎！新竹米粉應該係近似粉絲，半透明咁，呢隻好明顯係白色喎！最離譜係，叫新竹米粉係比其他粉麵貴架！有貨不對辦之嫌！個湯底好似好清，一飲就知道落咗好重味精。嗰一塊生菜幾黃吓花枝丸雖然有真花枝係入面，但極甜！加工得太犀利了吧？成碗粉最正常係豬頸肉，但最憎擺埋落碗粉度，搞到成碗粉油晒。呢間咁既野竟然咁多好評，好明顯中咗大伏囉。而且食個下午茶竟然同係街坊茶記食午餐一樣價錢，真係食到一肚火。