牧羊少年咖啡館 (葵青劇院)

營業中

休息中

與你分享2人套餐 $428金沙鹹蛋黃鳳尾蝦熱辣辣上枱，d 蝦大大隻，每隻都充滿住鹹蛋黃，超好食！份量啱啱好，唔會覺得好油好膩。煙辣腸蜜糖南瓜忌廉長通粉素食嚟，本身無乜期望，但賣相同食落唔錯喎！有腰果碎粒喺頂，d 通粉質地好，唔會好淋。個汁甜甜嘅南瓜味，配埋辣腸辣辣地，平淡中有d點綴。慢煮BBQ醬美國豬肋骨伴 薯條 普羅旺斯燉菜薯條熱辣辣脆卜卜。豬肋骨整得夠淋身，唔會𡁻都牙都較，又唔鞋，廚師真係識煮野食。就連配菜都無得頂！粟子燕麥奶沙冰雖然跟似沙冰（係凍嘅，但唔夠冰），但一飲落去，絕對驚艷！似好濃好濃嘅粟子糊，超足料，每一啖都好香好好飲。冰梨無花果白桃烏龍芝士奶蓋本身我好鍾意白桃烏桃，呢杯真係超正！一般幾十蚊嘅廢水簡直無得比。雖然白桃味唔係好濃，但佢梨嘅香味令到成杯超級好飲！揀茶就係唔鍾意好甜，呢杯又香又唔甜，飲落仲有d生果渣咁，超正！個餐最後仲有Häagen-Dazs 雪糕嘅。本身食過唔同地區嘅牧羊少年，呢間晚餐真係最好食。另外，都食過呢間lunch 同tea, 無晚餐咁驚喜。