影片
更多
2022-12-01
239 瀏覽
朋友特登book左呢間餐廳同我食生日飯，見佢啲相好靚又似fine dining，點知上到去完全貨不對辦🤦🏻♀️一坐低waiter已經話得返tasting menu揀，7點半咁早竟然無得揀？仲要冇得散叫煎帶子配西蘭花蛋白泡帶子有鮮味唔會乾，西蘭花蛋白泡係完全無味又無口感南瓜湯配帶子南瓜湯調味偏甜，南瓜肉無味而且好難挖嚟食，加左煎帶子格格不入，上一道菜煮多左放埋落嚟嘅感覺😐碳燒八爪魚配鰻魚汁八爪魚燒得好稔，配埋鰻魚汁好似食緊章魚小丸子咁，炸羽衣甘藍加左七味粉幾得意，可惜鰻魚汁將底部牛油果醬變酸，成件事完全唔夾；朋友個份八爪魚較粗身完全咬唔到，睇嚟廚師功力有待改善龍蝦汁蟹肉伊麵個汁有好濃郁嘅蝦蟹味道，唔可以話唔好食，但用伊麵口感係怪怪地嘅澳洲M4和牛肉眼扒對住鐘意食扒嘅人嚟講，會偏愛整塊牛扒上碟，享受切開中間見到粉紅色嘅嫩肉個份悸動，所以見到已經切好有少少失望；呢塊扒質素唔錯，雖然肥肉偏多，煎得頗香口，敗北之處卻係紅酒汁調味偏酸法式羊架由於友人唔食洋蔥，而本身個汁有洋蔥係入面，直接走左汁；羊架調味稍濃、無咩羊味，煎得有啲過燶，透出陣陣苦味心太軟唔太甜，影相放耐左仍然流心，值得一讚服務方面：員
煎帶子配西蘭花蛋白泡
帶子有鮮味唔會乾，西蘭花蛋白泡係完全無味又無口感
南瓜湯配帶子
南瓜湯調味偏甜，南瓜肉無味而且好難挖嚟食，加左煎帶子格格不入，上一道菜煮多左放埋落嚟嘅感覺😐
碳燒八爪魚配鰻魚汁
八爪魚燒得好稔，配埋鰻魚汁好似食緊章魚小丸子咁，炸羽衣甘藍加左七味粉幾得意，可惜鰻魚汁將底部牛油果醬變酸，成件事完全唔夾；朋友個份八爪魚較粗身完全咬唔到，睇嚟廚師功力有待改善
龍蝦汁蟹肉伊麵
個汁有好濃郁嘅蝦蟹味道，唔可以話唔好食，但用伊麵口感係怪怪地嘅
澳洲M4和牛肉眼扒
對住鐘意食扒嘅人嚟講，會偏愛整塊牛扒上碟，享受切開中間見到粉紅色嘅嫩肉個份悸動，所以見到已經切好有少少失望；呢塊扒質素唔錯，雖然肥肉偏多，煎得頗香口，敗北之處卻係紅酒汁調味偏酸
法式羊架
由於友人唔食洋蔥，而本身個汁有洋蔥係入面，直接走左汁；羊架調味稍濃、無咩羊味，煎得有啲過燶，透出陣陣苦味
心太軟
唔太甜，影相放耐左仍然流心，值得一讚
服務方面：員工無專責負責邊枱，周圍走來走去；介紹菜式時唔純熟同尷尬；未食完就已經隔離放另一道菜，而食完最後一啖叉都未落低已經收走隻碟，呢樣係食任何一間tasting menu都未試過嘅待遇
環境方面：燈光用左白射燈，昏暗得嚟無氣氛，露台望住維園足球場，左邊海景係幾靚，但另一邊高樓大廈嘅霓虹燈唔太美觀
衛生方面：執完碟waiter就會行到中間凹位薄到紗咁嘅簾後面執碟倒垃圾，完全透曬出嚟，影響食慾
仲有食客遠處大叫要水，以為自己去左茶餐廳🙁朋友食到尾已經好唔舒服想嘔，真係無下次
張貼
