Ilis (已結業)

第一要讚既係餐廳好近地鐵站，好易搵到。第二樣係雖然地方細細，但裝修好靚好舒服。第三係啲waiter十分非常好禮貌，清理檯面快手，好識得留空間比客人傾計，本身坐近廚房，佢見靠窗個檯客走左，好貼心幫我地安排坐去個邊，真係加哂分啲野食當然最重要，由於琴晚好肚餓，乜都無影叫左個二人餐，由前菜，沙津，湯，小食到主菜，甜品，無一樣野係唔會舉手指公，因為真係每一樣野都好好食！ 由其係小食煙肉芝士扇貝，其他餐廳hea住整無落足料，呢間真係好多芝士、煙肉、扇貝大大粒入面仲有啲薯容！！！！主菜慢煮豬扒食到我地想今晚再食多次 最後因爲訂檯指明左係紀念日，餐廳再一次好貼心咁係甜品度花左心思，呢個我有影底 總括黎講，我比100分絕對會再幫襯！