青茶萃萃 (已結業)

路經先發現呢度開咗間新嘅飲品店，順手買咗兩杯試吓，一杯係寫住人氣飲品嘅「爆芒百香果」（$36）以及一杯有皇冠符號嘅「芝士藍莓」（ $42 ）。店員即叫即整，保證新鮮。爆芒百香果有好多新鮮嘅芒果肉（睇住店員擺落去㗎 ），同埋百香果打爛了（有好多核），酸酸甜甜好開胃！好清新！幾好味！藍苺芝士反而無咩特色，中規中矩，好似提子汁咁囉，芝士奶蓋味都OK。兩杯份量都好大杯，大家幫襯完隔離嘅「著名黃店」，都可以過嚟買杯飲呀！