客家好棧 (已結業)

聽人講呢間早茶抵，就約人試下。早上十點半至中午有特價，我們六壯士找到張窗口檯，鬼咁開心，殊不知二十一樓祇望住人地天臺，景觀麻麻。飲茶好、食飯好，如人多就可以叫多幾樣，咁先夠痛快，我們點了：芋絲春卷牛肉球 (食到有紙碎，因咬唔爛才發現)叉燒包雞包仔鴨腳扎 (鍾意，有芋頭)潮州粉果叉燒腸粉鮮蝦腸粉咸菜豬肚排骨飯 (一盅)柴魚花生粥金菇瑤柱炆伊麵除牛肉球的缺點外，其餘味道算過得去，招呼的侍應、傳菜大都超過五十，(也有較年輕的)，但都幹勁十足，加水快，見空碟就收走，亦無圍埋傾計，給我一個很積極及正面的感覺，食肆或任何機構不應見超過五十就唔請，應如政府呼籲唯才是用。聽講十二點三前埋單才有特價，到十二點已吃了一個半小時，全部給我們班餓狼一族掃清，埋單一百五十五元正，真係抵，免茶免加一，係銅鑼灣，不知怎去經營。一定會黎食過，尤其一大班人，有得食，又無乜要求，最盞！