慕茶 (已搬遷) 新店位置

見呢度上面既食評都OK,今日就上去試下啦.1:15左右上到去坐底已經講明限時90分鐘,OK冇問題.因為我唔會磨爛蓆.坐底幾分鐘已經落ORDER.其間只係上左飲品.我一等就等左差唔多半個鐘.成埸又唔係多客,其他遲過我上泥既客都已經食野.我地仲係乜都未有.我先忍唔住催一次,D野仲泥唔泥,再唔泥就唔洗泥.我一陣仲要返工.個侍應姐姐行入廚房大大聲一字不漏重覆我呢番說話.原來我落單之前要提早通知你地我之後要返工既.真係唔知原來你地對客人紀律要求係咁高.出到泥仲要同我講要等多5分鐘.一句唔好意思都冇.個位姐姐我唔知佢是咪老闆啦.係既我祝你生意興隆啦.如果佢係打工既,咁我真係恭喜你呀,請到呢D咁優秀既員工.你地D野好唔好食我就唔知啦.因為我呢D賤民冇機會品嚐,不過你地D服務真係令人賓至如歸!加油呀個位姐姐.