宴 尖沙咀

之前聽朋友阿強話佢表妹介紹咗佢呢間日本火鍋放題，一直都冇機會約出嚟一齊食，今次難得搵到時間約出嚟食晚飯，阿強就講要嚟呢度食。諗唔到呢度嘅居酒屋都幾有氣氛，裝飾擺設都富有和風。我哋叫咗最豪華嘅松餐，真係好抵，又有和牛同松葉蟹任食。和牛嘅色澤係非常靚，然後肉片仲有雪花，油脂好多，涮起嚟富有和牛獨特嘅香氣，肥瘦均勻，每一口都非常肥美，肉質仲好嫩。湯底係醬油拼豬骨，係非常獨特嘅搭配，都好少喺外面見到醬油湯火鍋，兩種湯都有自己獨特嘅風味，感覺涮乜都會好好食。松葉蟹就好新鮮，肉非常鮮甜肥美，每一口都係享受，香氣十足，喺醬油湯度煮，真係絕。食咗肉仲有啲蔬菜嚟中和一下口味，加啲蔬菜一齊食，非常清爽，不過阿強就唔食菜，一直食肉。我哋都食得好滿足，阿強話呢度係佢心目中第一嘅日本菜！