堅離地冰室

營業中

休息中

呢間餐廳服務同食物質素好好，價錢又唔貴，性價比超級高！而家仲有供應聖誕套餐更加抵食🎄法式鵝肝，拼牛柳配黑松露燒汁完全冇諗過百幾蚊已經可以食到咁高質嘅牛柳👀牛柳好大舊，真係煮到三成熟，鵝肝口感嫩滑，入口即溶🤤牛柳肉質粉嫩，好重牛味，再配埋香濃嘅黑松露燒汁，仲有好有口感嘅薯蓉，超完美嘅配搭！威靈頓牛扒即叫即整既威靈頓牛扒上枱果陣超級熱🔥一切開香味四散，好明顯睇到酥皮底下有雜菌再包住牛扒，層次分明🤓酥皮唔會好油膩飽濟，牛柳都係煮到啱啱熟，口感好好，配普通燒汁已經好香！白汁芝士焗西蘭花西蘭花份量好多，每一嚿都沾滿白汁，而且仲有拉絲嘅芝士😚味道好香！火焰雪山呢度嘅火焰雪山淋上伏特加再點火😍本身入邊亦都有啲流心嘅朱古力，食到酒味，亦都食到朱古力嘅香甜，加埋滑捋捋嘅蛋白🤩又可以打卡又好味！呢度嘅牛扒餐亦都會跟埋餐湯飲品，餐湯可以轉酥皮羅宋湯，酥皮都係即叫即焗，配埋熱辣辣嘅湯，好好飲！