鍋心粥底火鍋 (和富道) (已結業)

粥底火鍋係先用粥水打邊爐，冇米，食哂先至加飯落去煲粥，所以打邊爐過程中唔會痴實啲粥。每位$200，冇加一，以下圖片係三人份量。粥底已包每人半隻蟹同沙白蜆，蟹好鮮甜，蜆都算肥。自選五樣款海鮮,新鮮，大隻，鮮甜。自選8款火鍋食材，牛肉，豚肉，花膠都質素高。最後會加飯，南瓜，芋頭煲粥，老實講，未食粥都飽哂，之前有栗米，金菇茶等等都食唔落，堅飽，男人都夠食。酒水另計冇加一，但唔貴，大枝青島$25一枝咋。總結，食得過，可以encore.