魚有魚味 (已結業)

今日又試新餐廳先，同同事1:30pm先行到嚟，一入門口地方好大，客人唔多，好地方丫。侍應著住和服，真係去咗日本🇯🇵，安排我地坐喺壽司師傅前面，同事話對住個靚仔，食慾大增。睇完餐牌，我唔想食太多，所以叫刺身定食，同事要食壽司，叫咗手握壽司。定食嘅前菜，都係嗰啲，冇咩特別好介紹喇。刺身得5樣，厚切，肉質鮮美滋味，咬咗唔想吞落肚咁呀，再配我鍾意飲嘅啤酒，好感動。同事個手握壽司，咁師傅等妳食完一件，先再上另一件，咁樣保證啲飯、魚、紫菜都唔會變質，佢都話好好味，我冇帶錯佢嚟，要有下次添喎。最後我地想話叫甜品，侍應話我地個餐包一個雪糕，係咁就食雪糕啦。一個正常男人，刺身定食肯定唔夠飽，不過我係不正常男人，呢餐我都已經好飽。