皇后餃子 (已結業)

最近疫情下無得出街食晚飯，無啖好食，好多時都係食外賣。今晚去咗買嘢食，諗緊食咩好，見到街市有好多舖頭都仲有開(街上夜晚好多舖頭都已經收晒)，行行吓見到有間舖頭喺度煎緊餃子，帶住口罩都聞到啲香味，於是就睇吓呢間有咩食，今次叫了個煎韮餃子，同埋一個麻辣雞絲撈麵。先講啲餃子，煎得幾香口，個皮脆卜卜，配埋個辣汁同埋啲菜甫，幾好食。跟住到個麻辣雞絲撈麵，一打開個盒就已經聞到陣麻辣味(好似麻辣火鍋嗰陣味)，一食落口，麵如其名，真係幾麻辣，同埋啲麵好有咬口，唔錯。