影片
更多
2020-10-13
461 瀏覽
星期日晚飯時間響葵芳新都會廣場搵食，真係間間都要等位咁滯。行過幾間諗住去食嘅餐廳都要等位起碼30分鐘，去到地下嗰層，居然Parkview係唔駛等位可以即刻入，仲要入到去都仲有兩三張枱剩。之前都見過類似情況，心諗唔知道會唔會係伏，不過亦覺得集團嘢，伏極最多都係普通，唔會話難食卦，為左唔想等位，無所謂。 佢有二人餐，不過係一定以一種肉類／扒類配粉／飯，就係偏偏哩餐唔想食碳水化合物，所以最後散叫叫左一個三文魚凱撒沙律，一個美國西冷扒五成熟，同埋一個雜扒。煙三文魚凱撒沙律先黎，普普通通，啲煙三文魚味就無咩問題，不過唔知點解啲色有啲偏粉橙，通常食嘅煙三文魚都係鮮橙色，產地問題？不過最意外但又係一個不錯嘅做法，係佢響個凱撒沙律入邊加左水瓜榴（非常鐘意食水瓜榴），雖然煙三文魚與水瓜榴的確係絕配，但一般凱撒沙律都好少會加，而啲麵包粒好似大粒得滯，可能係餐廳風格。哩客美國西冷，特製紅酒蘑菇汁，蘑菇香濃，不過偏甜，所以用黎點薯仔食，牛扒就簡單加啲鹽就算。感覺熟左少少但還可以，而叫西冷都係希望可以重肉味，佢嘅肉質同肉味都還好，搵唔到好多適合嘅形容詞黎形容，因為真係無咩特別。鐘意食羊，所以試埋朋友叫個雜扒裡有
佢有二人餐，不過係一定以一種肉類／扒類配粉／飯，就係偏偏哩餐唔想食碳水化合物，所以最後散叫叫左一個三文魚凱撒沙律，一個美國西冷扒五成熟，同埋一個雜扒。
煙三文魚凱撒沙律先黎，普普通通，啲煙三文魚味就無咩問題，不過唔知點解啲色有啲偏粉橙，通常食嘅煙三文魚都係鮮橙色，產地問題？不過最意外但又係一個不錯嘅做法，係佢響個凱撒沙律入邊加左水瓜榴（非常鐘意食水瓜榴），雖然煙三文魚與水瓜榴的確係絕配，但一般凱撒沙律都好少會加，而啲麵包粒好似大粒得滯，可能係餐廳風格。
哩客美國西冷，特製紅酒蘑菇汁，蘑菇香濃，不過偏甜，所以用黎點薯仔食，牛扒就簡單加啲鹽就算。感覺熟左少少但還可以，而叫西冷都係希望可以重肉味，佢嘅肉質同肉味都還好，搵唔到好多適合嘅形容詞黎形容，因為真係無咩特別。
鐘意食羊，所以試埋朋友叫個雜扒裡有嘅羊架少少，唔⋯⋯熟得滯（九成五熟），羊味好淡，亦無咩香草或醃料味，所以唔係幾滿意。隻燒蝦⋯⋯有啲似街巿買嗰啲蝦嘅大細，唔吸引。
會唔會係因為西餐關係，或者平均消費比較黎講算高，所以無其他嘅餐廳咁受歡迎？不過以今次嘅經驗黎講，哩個價錢（兩個人食左差不多$700）哩個質素，真係只能當係啱啱合格。未至於比”喊”，但極其量只可以係”OK”。食物唔算突出，又無咩招牌菜，純粹以”西餐”排頭響葵芳商場入邊經營，搶生意的確有啲難度。
張貼
